ပြည်ဈေးကွက်တွင် ခရမ်းချဉ်သီးဈေးနှုန်းများမှာ ဈေးကွက်တွင် ဈေးကောင်းရရှိကာ အရောင်းသွက်လျက်ရှိပါသည်။ ရှမ်းသီးနှင့် ကိုင်းသီးဟူ၍ (၂)မျိုးရှိရာ ယခုအချိန်မှာတော့ ရှမ်းသီးများမှာ ဈေးကွက်အတွင်း ပိုမို၍အရောင်းအဝယ်ဖြစ်လျက်ရှိပါသည်။ ရှမ်းသီး (၁)ပိဿာလျှင် (၄၀၀၀)ကျပ်ရှိပြီး ပြည်ခရိုင်တွင်း မြို့နယ်များသို့လည်းခြင်းများဖြင့် လာရောက်ရောင်းချကြပါသည်။
ခရမ်းချဉ်သီးသည် ဒေသမရွေး လွယ်ကူစွာ စိုက်ပျိုးနိုင်သော သီးနှံတစ်မျိုးဖြစ်ပါသည်။ ခရမ်းချဉ်သီးသည် အရောင်အသွေးလှပသကဲ့သို့ ခန္ဓာကိုယ်အတွက် များစွာအကျိုးရှိသော သီးနှံတစ်မျိုး ဖြစ်ပါသည်။ ခရမ်းချဉ်သီးကို ဟင်းချက်ရာတွင် အနှစ်များများရအောင်ထည့်၍ ချက်ကြသလို အခြားသီးနှံများနှင့်အတူရော၍ ကြော်ပြီးစားသုံးကြသလို အကြော်စုံများနှင့်လည်းရော၍ သုပ်ထားကြပါသည်။
ခရမ်းချဉ်သီးတွင် ဗီတာမင် အေ၊ ဘီ၊ စီ၊ ဒီ၊ ကေ တို့များစွာပါဝင်သောကြောင့် အဆီပြန်သည့် အသားအရေကို ထိန်းညှိပေးပါသည်။ ခရမ်းချဉ်သီးကို စားသုံးပါက အသားအရေလှပသည့်အပြင် နှလုံးကျန်းမာရေးကို ထိန်းညှိပေးပါသည်။ ခရမ်းချဉ်သီးကို စားသုံးပါက အသားအရေလှပသည့် အပြင် နှလုံးကျန်းမာရေးကိုလည်း ကောင်းမွန်စေပါသည်။ ထို့အပြင် ခရမ်းချဉ်သီးတွင် လိုင်ကိုပင်း ဓါတ်ပါဝင်သောကြောင့် ဆီးကြိတ်ကင်ဆာ၊ အူမကြီးကင်ဆာနှင့် အစာအိမ်ကင်ဆာ များကိုလည်း ကာကွယ်ပေးနိုင်ပါသည်။
DOCA(ပဲခူး)