ပဲခူးတိုင်းဒေသကြီး (အနောက်) နတ်တလင်းခရိုင်၊ ပေါင်းတည်မြို့နယ် အတွင်းရှိ ကျေးရွာများတွင် လယ်ယာ စိုက်ပျိူးခြင်းလုပ်ငန်း လုပ်ကိုင်ကြပြီး သီးနှံမျိူးစုံကို စိုက်ပျိူးလျက်ရှိရာ ဆီထွက်သီးနှံအဖြစ် မြေပဲကိုလည်း မိုးစိုက်နှင့်ဆောင်းစိုက်ဟူ၍ စိုက်ပျိူးလျက် ရှိကြောင်း သိရပါသည်။
မိုးမြေပဲ စိုက်ပျိူးရာတွင် မေလနှင့် ဇွန်လများတွင် စိုက်ပျိူးကြပြီး ဩဂုတ်လတွင် လတွင် သီးနှံထွက်ပေါ်ကြောင်း မြေပဲ အမျိူးအဖြစ် မကွေး(၁၁)မျိူး အများဆုံး စိုက်ပျိူးလျက် ရှိပါသည်။ မိုးမြေပဲ တစ်ဧက စိုက်ပျိူးမည်ဆိုပါက မျိူးမြေပဲဆံနှစ်တင်းခန့် အသုံးပြုရပြီး မြေပြင်ထွန်ယက်ခ၊ သွင်းအားစု လုပ်အားခအပါအဝင် တစ်ဧကစုစုပေါင်း ငွေကျပ် (၇၀၀၀၀၀)ခန့် ကုန်ကျပါကြောင်း တစ်ဧကလျှင်အထွက်နှုန်း (၅၀-၆၀)တင်းခန့် ထွက်ရှိပြီး ယခုဩဂုတ်လ တတိယပါတ်တွင် မိုးမြေပဲ တစ်တင်း (၁၂)ပိဿာ ဈေးနှုန်းမှာ ငွေကျပ်(၂၄၀၀၀-၂၆၀၀၀)နှုန်း ပေါက်ဈေးရှိကြောင်းသိရှိရပြီး စိုက်ပျိူးမြေအနေအထားနှင့် သီးနှံ ဖြစ်ထွန်းအောင်မြင်မှု အပေါ်မူတည်၍ အထွက်နှုန်းများလည်း ကွာခြားမှုရှိကြောင်း ဈေးကွက်အနေဖြင့် ပေါင်းတည်မြို့နယ်ရှိ ပွဲရုံများမှ ကျေးရွာများအရောက် လာရောက်ဝယ်ယူကြောင်း သိရပါသည်။
ယခုအချိန် မြေပဲလှိုင်လှိုင် ထွက်ပေါ်လျှက်ရှိရာ တောင်သူများအနေဖြင့် ထိုက်သင့်သည့် အကျိုးအမြက်များရရှိကြောင်း မြေပဲစိုက်တောင်သူတစ်ဦးထံမှ သိရှိရ ပါသည်။