၂၀၂၅ခုနှစ် ဩဂုတ်လ (ဒုတိယပတ်)တွင် ရှမ်းပြည်နယ်(တောင်ပိုင်း)အောင်ပန်းဒေသ၌ ပြောင်းသီးနှံမှာ တစ်ပိဿာလျှင် (၁၄၆၅-၁၄၇၀)ကျပ်ဖြင့် ပြည်ပဝယ်လိုအားလျော့ကျမှုကြောင့် ဈေးနှုန်းအကျဘက်တွင် ရှိနေပြီး စီးဆင်းမှုမှာ ပထမအပတ်အတိုင်း ပုံမှန်သာရှိနေပါသည်။
ကြက်သွန်ဖြူသီးနှံမှာ တစ်ပိဿာလျှင် ထူး ၁-၄၅၀၀ကျပ်၊ ထူး ၂-၅၅၀၀ကျပ်၊ ထူး ၃-၆၀၀၀ ကျပ်၊ ထူး ၄-၇၅၀၀ကျပ်၊ ထူး ၅-၈၀၀၀ကျပ်၊ ထူးလွန်-၈၅၀၀ကျပ် နှင့် ဥတစ်လုံးဆိုဒ်မှာ ၂၀၀၀၀ကျပ် ဖြင့် အမြင့်ဈေးဖြင့်ငြိမ်နေပြီး တောင်သူလက်ကျန်များ ဈေးကွက်ဝင်ရောက်မှုရှိသဖြင့် စီးဆင်းမှုမှာ ပုံမှန်ဖြစ်နေပါသည်။
အာလူးသီးနှံမှာ တစ်ပိဿာလျှင် မားကီး S2/S3 (၅၀၀၀-၅၅၀၀)ကျပ်၊ မျက်နီ S1/S2 (၄၀၀၀-၄၅၀၀)ကျပ်၊ OK-၃၅၀၀ကျပ်၊ A1-၃၀၀၀ကျပ်၊ ဆွဲသီး-၂၅၀၀ကျပ် နှင့် ဂေါ်လီဆိုဒ်မှာ ၂၀၀၀ကျပ်ဖြင့် အာလူးအသစ်များ ဈေးကွက်အဝင်များနေပြီး ရန်ကုန်၊ မန္တလေး နှင့် ကျောက်ပန်းတောင်းဒေသများမှ ဝယ်လိုအားကောင်းနေသဖြင့် ဈေးကောင်းရရှိကာ စီးဆင်းမှုမှာ များနေပါသည်။
ချင်းသီးနှံမှာ ချင်းဥမအကြီးတစ်ပိဿာလျှင် (၂၂၀၀-၂၅၀၀)ကျပ် နှင့် ဥမအလတ်တစ်ပိဿာ လျှင် (၈၀၀-၁၀၀၀)ကျပ်ဖြင့် ဈေးတက်လာပြီး ပြည်တွင်းဝယ်လိုအားမြင့်တက်မှုကြောင့် စီးဆင်းမှုမှာ ကောင်းနေပါသည်။
ကုန်စိမ်းသီးနှံများတွင် ဂေါ်ဖီ(၁၀၀၀-၁၄၀၀)ကျပ်၊ ပန်းမုံလာ (၂၀၀၀-၂၅၀၀)ကျပ်၊ ရွှေပဲ (၁၃၀၀၀-၁၆၀၀၀)ကျပ်၊ မုန်ညှင်း (၂၇၀၀-၃၇၀၀)ကျပ်၊ ဖရုံသီး (၁၃၀၀-၁၅၀၀)ကျပ်၊ ခရမ်းသီး (၂၅၀၀-၂၈၀၀)ကျပ်၊ ခရမ်းချဉ်သီး (၁၃၀၀-၁၈၀၀)ကျပ်၊ ငရုတ်ပွ (၈၀၀၀-၈၅၀၀)ကျပ်၊ မုန်လာဥနီ (၃၀၀၀-၃၅၀၀)ကျပ်၊ ဘိုစား (၄၀၀၀-၄၅၀၀)ကျပ်ဖြင့် အသီးသီးဈေးရှိနေကြပြီး ဂေါ်ဖီ၊ ပန်းမုံလာ နှင့် ငရုတ်ပွသီးနှံများမှာ အရည်အသွေးကောင်းပြီး ဈေးကွက်အဝင်နည်းသဖြင့် ဈေးမြင့်တက်လာ၍ ရွှေပဲ သီးနှံမှာ ဝယ်လိုအားလျော့ကျမှုကြောင့် ဈေးအနည်းငယ်ကျသွားပါသည်။ ကျန်ကုန်စိမ်းသီးနှံများမှာ ဈေးနှုန်းထူးခြားစွာ ပြောင်းလဲမှုမရှိဘဲ ဈေးကွက်လိုအပ်ချက်အရ ဝယ်လိုအားကောင်းသဖြင့် စီးဆင်း မှုမှာ ယခင်အပတ်ထက် အနည်းငယ် ပိုလာပါကြောင်း လေ့လာသိရှိရပါသည်။
DOCA(ရှမ်း)