ကချင်ပြည်နယ်၊ စားသုံးသူရေးရာဦးစီးဌာန ပြည်နယ်ဦးစီးမှူးရုံးမှ ဦးကိုကိုစိုး(ဦးစီးမှူး)သည်၉.၉.၂၀၂၂ရက်နေ့တွင် မြစ်ကြီးနားမြို့၊ မြို့သစ်ရပ်ကွက်၊ Sky Moon မုန့်တိုက်ရှိလုပ်သား(၈)ဦးအား စားသုံးသူကာကွယ်ရေးအသိပညာပေးဟောပြောခဲ့ပါသည်။
အဆိုပါဟောပြောပွဲတွင် ဦးကိုကိုစိုး(ဦးစီးမှူး)ကစားသုံးသူဆိုသည်မှာ ကုန်စည်ဝန်ဆောင်မှုကို ကုန်သွယ်ရောင်းဝယ်ခြင်းပြုရန်၊ အသက်မွေးဝမ်းကျောင်းပြုရန်မဟုတ်ဘဲ ကိုယ်တိုင်သုံးစွဲမှု၊အခြားသူ များအတွက် ရည်ရွယ်ပြီးဝယ်ယူခြင်း၊ အသုံးပြုခြင်း၊ ရယူခြင်း၊ ကုန်စည်ချေးငှားခြင်းပြုလုပ်သူ သို့မဟုတ် ပေးကမ်းထောက်ပံ့ခြင်းခံရသူကိုဆိုလိုကြောင်း၊ စားသုံးသူကာကွယ်ရေးဆိုသည်မှာ ကုန်စည်၊ ဝန်ဆောင်မှုနှင့်စပ်လျဉ်း၍ စားသုံးသူ၏အခွင့်ရေးနှင့်အကျိုးစီးပွားကိုကာကွယ်ပေးခြင်း၊ စားသုံးသူနှင့်စီးပွားရေးလုပ်ငန်းရှင်တို့အကြား ကော်မရှင်နှင့်ကော်မတီအဆင့်ဆင့်တို့မှ သတ်မှတ် ဆောင်ရွက်ပေးသည့် မျှတသောလုပ်ငန်းစဉ်ဖြစ်ကြောင်း၊ စားသုံးသူတို့သည် ကုန်စည်နှင့်ဝန်ဆောင်မှု အခြေခံလိုအပ်ချက်များအပေါ် စိတ်ကျေနပ်မှုရရှိစေခြင်း၊ ဘေးအန္တရာယ်ကင်းရှင်းစွာအသုံးပြုခွင့် ရှိခြင်း၊ ရွေးချယ်ဝယ်ယူအသုံးပြုရာတွင် လိုအပ်သောသတင်းအချက်အလက်များပြည့်စုံမှန်ကန်စွာ သိရှိခွင့်နှင့်ပြေစာ၊ အထောက်အထားရယူခွင့်ရှိခြင်း၊စားသုံးသူစိတ်ကြိုက်ရွေးချယ်ဝယ်ယူနိုင်ခွင့်ရှိခြင်း စားသုံးသူနစ်နာဆုံးရှုံးမှုများအတွက် ရှင်းလင်းတင်ပြခွင့်နှင့်တိုင်ကြားခွင့်ရရှိစေနိုင်ခြင်း၊ ကုစားခွင့်ရရှိ ခြင်း၊ အသိပညာဗဟုသုတများ၊ အခွင့်အရေးများနှင့်လိုအပ်သောအချက်အလက်များကို သိရှိလေ့လာ နိုင်ခွင့်ရှိခြင်း၊ ကောင်းမွန်သာယာသော လူနေမှုအဆင့်အတန်းနှင့်ပတ်ဝန်းကျင်တွင်နေထိုင်ခွင့်ရရှိစေ ခြင်းတို့သည် စားသုံးသူများရရှိမည့်အခွင့်အရေး(၈)ချက်ဖြစ်ကြောင်း၊ စားသုံးသူနစ်နာဆုံးရှုံးမှုများ အတွက်တိုင်ကြားနိုင်ရန် စားသုံးသူသတင်းပြန်ကြားရေးနှင့်တိုင်ကြားမှုလက်ခံဆောင်ရွက်ရေးစင်တာ များဖွင့်လှစ်ထားရှိကြောင်းနှင့်လူကိုယ်တိုင်သော်လည်းကောင်း၊ ဖုန်း၊ အီးမေးလ်၊ Website ၊ DOCA Myanmar Application များတွင်တိုင်ကြားနိုင်ကြောင်း အသိပညာပေးဟောပြောခဲ့ပါသည်။
DOCA(ကချင်)