နယူးဇီလန်နိုင်ငံ၏ ကီဝီသီးစျေးကွက်ရှာဖွေသူ Zespri ကုမ္ပဏီသည် သစ်သီးဝလံအများစုအနက် ကီဝီသီးစိုက်ပျိုးသော လယ်သမားများသည် ၂၀၂၅/၂၀၂၆ ရာသီတွင် ၎င်းတို့၏ စံချိန်တင် စိုက်ပျိုးထုတ်လုပ်မှု ပြန်လည်ရရှိမည်ဟု ခန့်မှန်းထားသည်။ Sun Gold နှင့် Organic Green အမျိုး အစားတို့မှ လွဲ၍ ကုန်မျိုးကွဲများအားလုံးအတွက် တစ်ဟတ်တာပျမ်းမျှထွက်ရှိမှုသည် စံချိန်တင် အဆင့်သို့ပြန်လည်ရောက်ရှိမည်ဖြစ်ပြီး အဓိကစျေးကွက်များတွင် ခိုင်မာသောရောင်းလိုအားကို ထင်ဟပ်စေကြောင်း အမှုဆောင်အရာရှိချုပ် Jason Te Brake မှ သြဂုတ်လ ၂၀ ရက် နေ့က ထုတ်ပြန်ချက်ကို ကိုးကား၍ ပြောကြားခဲ့သည်။ Zespri သည် ရာသီဒုတိယနှစ်ဝက်တွင် ရောင်းအားများရရှိလာပါက စိုက်ပျိုးထုတ်လုပ်မှုတန်ဖိုးကို မြင့်တင်ရန်အာရုံစိုက်ထား ကြောင်း Te Brake မှ ပြောကြားခဲ့သည်။ ၂၀၂၅ ခုနှစ်ရောင်းချမှုရည်မှန်းချက် နယူးဇီလန် ဒေါ်လာ ၄.၅ ဘီလီယံ (အမေရိကန် ဒေါ်လာ ၂.၆၂ ဘီလီယံ) ကိုပြည့်မှီအောင်ဆောင်ရွက်ပြီး နောက် Zespri ကုမ္ပဏီသည် ၎င်း၏ ၂၀၃၅ ခုနှစ် ကမ္ဘာ့ထိပ်တန်းကျန်မာရေးနှင့်ညီညွတ်သော သစ်သီးအမှတ် တံဆိပ်ဖြစ်စေရန်ဟူသော ရည်မှန်းချက်ကို အကောင်အထည်ဖော်နိုင်ရန် ရည်မှန်းထားကြောင်း သိရသည်။ Zespri သည် ၁၉၉၇ မှ စ၍ နယူးဇီလန်နိုင်ငံမှ စိုက်ပျိုးသူများ၏ပူးပေါင်း ဆောင်ရွက်သူအဖြစ် တည်ထောင်ခဲ့ပြီး နယူးဇီလန်စိုက်ပျိုးသူ ၂၈၀၀ နှင့် နိုင်ငံတကာ စိုက်ပျိုးသူ ၁၅၀၀ ပူး ပေါင်းဆောင်ရွက်ခဲ့ကြောင်း သိရှိရပါသည်။
Source : Xinhua
DOCA(ရန်ကုန်)