သီရိလင်္ကာနိုင်ငံသည် ၂၀၂၆ နှင့် ၂၀၂၇ ခုနှစ်များတွင် ၂၆၀ မဂ္ဂါဝပ် ပေါင်းစပ်စွမ်းရည်ရှိသော ဘက်ထရီဓါတ်အားပေး စက်ရုံနှစ်ရုံကို တည်ဆောက်သွားမည်ဖြစ်ကြောင်း ဝန်ကြီးတစ်ဦးက သြဂုတ်လ ၂၁ ရက်နေ့တွင် ပြောကြားခဲ့သည်။ စွမ်းအင်ဝန်ကြီး Kumara Jayakody က စက်ရုံတစ်ရုံမှ မဂ္ဂါဝပ် ၁၆၀ ရှိပြီး အခြားစက်ရုံတစ်ရုံမှ မဂ္ဂါဝပ် ၁၀၀ ထုတ်လုပ်မည်ဖြစ်ကြောင်း လွှတ်တော်သို့ ပြောကြားခဲ့သည်။ ၁၆၀ မဂ္ဂါဝပ် စက်ရုံအတွက် တင်ဒါခေါ်ထားပြီး ဖြစ်ကာ ၁၀၀ မဂ္ဂါဝပ် စီမံကိန်းအတွက် တင်ဒါများကို မကြာမီ ကမ်းလှမ်းမည်ဖြစ်ကြောင်း ၎င်းက ပြောသည်။ မဂ္ဂါဝပ် ၁၀၀ ဓာတ်အားပေးစက်ရုံကို အာရှဖွံ့ဖြိုးရေးဘဏ် (ADB) ၏ ရန်ပုံငွေ ဖြင့် တည်ဆောက်မည်ဖြစ်သည်။ ဝန်ကြီး၏ အဆိုအရ အဆိုပါစီမံကိန်းများသည် ကျွန်းတစ်ကျွန်းလုံး လျှပ်စစ်မီးပျက်တောက်ခြင်းမှ ကာကွယ်ရန် အစိုးရ၏ ရေရှည်မဟာဗျူဟာ၏ တစ်စိတ်တစ်ပိုင်းဖြစ်ကြောင်း သိရသည်။ သီရိလင်္ကာနိုင်ငံသည် ၂၀၂၂ နှင့် ၂၀၂၅ ခုနှစ်တွင် တစ်နိုင်ငံလုံး လျှပ်စစ်မီးပြတ်တောက်မှု ကြုံတွေ့ခဲ့ရကြောင်း သိရှိရပါသည်။
Source : Xinhua
DOCA(ရန်ကုန်)