ဖိလစ်ပိုင်နိုင်ငံမှ စားသုံးသူများသည် ဗီယက်နမ်နိုင်ငံမှတင်သွင်းလာသော ပရီမီယမ်ဆန်များအား ပိုမိုနှစ်သက်ကြကြောင်း ဖိလစ်ပိုင်စိုက်ပျိုးရေးဌာန (DA) ၏ သြဂုတ်လ ၂၂ ရက် နေ့ပြောကြားချက်အရ သိရသည်။
စိုက်ပျိုးရေးအတွင်းဝန် Francisco Tiu Laurel သည် စားသုံးသူများ၏ ပြောင်းလဲလာသော ရွေးချယ်မှုများကို ပြန်လည်သုံးသပ်ရန်နှင့် စားသုံးသူများသည် အရေအသွေးထက် အရေအတွက် ဘက်သို့ပြောင်းလဲသွားနိုင်ကြောင်း သတိပြုရန်ညွှန်ကြားထားသည်။ DA နှင့် Philippine Rice Research Institute မှ လေ့လာသုံးသပ်မှုများအရ ဖိလစ်ပိုင်ဒေသထွက်ဆန်များနှင့် မျိုးစပ်မျိုးကွဲဆန်များသည် ဗီယက်နမ်၏ ဆုရဆန်ဖြစ်သော ST25 ဆန်နှင့် ယှဉ်နိုင်သည့် အရည်အသွေးရှိကြောင်း သိရသည်။ စျေးကွက်ဝယ်လိုအားနှင့်အညီလိုက်လျောညီထွေ ဖြစ်အောင်ထုတ်လုပ်ခြင်းသည် ပြည်တွင်းလယ်သမားများအတွက် သွင်းကုန်ယှဉ်ပြိုင်နိုင်စွမ်း ကိုမြှင့်တင်ပေးပြီး ပို့ကုန်အခွင့်အလမ်းများကိုပါ ဖော်ဆောင်ပေးနိုင်မည်ဖြစ်သည်။
လက်ရှိတွင် ဗီယက်နမ်နိုင်ငံသည် ဖိလစ်ပိုင်နိုင်ငံ၏ ဆန်တင်သွင်းမှုစုစုပေါင်း၏ ၇၄ ရာခိုင်နှုန်းခန့်ကို ထောက်ပံ့ပေးလျက်ရှိပြီး ST25၊ DT နှင့် OM545 ကဲ့သို့သော ရေပန်းစား လူကြိုက်များသော ဆန်မျိုးကွဲများစွာလည်း ပါဝင်ကြောင်း သိရှိရပါသည်။
Source : Xinhua
DOCA(ရန်ကုန်)