ဇူလိုင်လတွင် ဗီယက်နမ်၏ အသင့်သုံးစတီးလ်ရောင်းချရမှုမှာ တန်ချိန် ၂.၆ သန်းရှိခဲ့ပြီး ၂၀၂၄ ခုနှစ် ဇူလိုင်လထက် ၆ ရာခိုင်နှုန်းမြင့်တက်ခဲ့ကြောင်း ဗီယက်နမ်စတီးလ်အသင်း၏ အဆိုအရ သိရပါသည်။ ထို့ကြောင့် ၂၀၂၅ ခုနှစ်၏ ပထမ ၇ လတွင် ဗီယက်နမ်သည်အသင့်သုံး စတီးလ်တန်ချိန် ၁၈.၃၂ သန်းကျော်ရောင်းချခဲ့ပြီးဖြစ်ပြီး ၂၀၂၄ ခုနှစ်တူညီသည့်ကာလထက် ၉ ရာခိုင်နှုန်းမြင့်တက်ခဲ့ကြောင်း သိရပါသည်။ ဆောက်လုပ်ရေးလုပ်ငန်းသုံးစတီးလ်မှာတန်ချိန် ၇.၇ သန်းကျော်ဖြင့် အကြီးမားဆုံးဝေစုကိုပိုင်ဆိုင်ထားပြီး ၁၄ ရာခိုင်နှုန်းမြင့်တက်ခဲ့ကြောင်း သိရပါသည်။ ဇူလိုင်လ၏စတီးလ်သုံးစွဲမှုတွင် ဆောက်လုပ်ရေးလုပ်ငန်းသုံးစတီးလ်က အဓိကအခန်း ကဏ္ဍတွင်ဆက်လက်တည်ရှိနေပြီး တန်ချိန် ၁.၀၇ သန်းရောင်းချခဲ့ရကာ ၂၀၂၄ ခုနှစ် ဇူလိုင်လနှင့် နှိုင်းယှဉ်ပါက ၁၁ ရာခိုင်နှုန်းမြင့်တက်ခဲ့ကြောင်း သိရပါသည်။
DOCA (ရန်ကုန်)