တောင်ငူမြို့နယ်ရှိ ညောင်ပင်လေးဈေးသည် တောင်ငူမြို့၏ အချက်အချာကျရာ ဟင်းသီး ဟင်းရွက် အသား/ငါး များအပြင် ငါးပိ /ငါးခြောက်များလည်း လက်လီ/လက်ကား ဝယ်ယူရောင်းချရာ ကောင်းသော ဈေးဖြစ်ပါသည်။ မြန်မာလူမျိုးအများစုသည် ထမင်းစားရာတွင် ငါးပိရည် တို့စရာကို အသားဟင်းထက် ပိုမိုကြိုက်နှစ်သက်သည်ဖြစ်ရာ တောင်ပေါ်ဒေသများမှလည်း ဒေသထွက် အသီးအနှံ များကို လာရောက်ရောင်းချပြီး ငါးပိများကို ပြန်လည်သယ်ယူကြရာ တောင်ငူမြို့ ညောင်ပင်လေးဈေးနှင့် စာတိုက်လမ်းကြားရှိ ငါးပိဆိုင်သည် လူတန်းစားအသီးသီး ဝယ်ယူစားသုံးနိုင်အောင် ငါးမျိုးစုံငါးပိကို ဈေးအမျိုးမျိုးဖြင့် လက်လီ/လက်ကား ရောင်းချလျက်ရှိသည်။
ငါးအသေးမျိုးစုံငါးပိနှင့် ငါးဖောင်ရိုး ငါးပိမှာ ၁ ပိဿာလျှင် ၃၀၀၀ ကျပ်မှ ၄၀၀၀ ကျပ်၊ ငါးဇင်းရိုင်း သီးသန့် ငါးပိမှာ ၁ ပိဿာ ၄၀၀၀ ကျပ်မှ ၅၀၀၀ ကျပ်၊ ငါးပြင်းမ ငါးပိ မှာ ၁ ပိဿာ ၅၀၀၀ ကျပ်မှ ၆၀၀၀ ကျပ်၊ ငါးရံ သီးသန့်ငါးပိ မှာ ၁ ပိဿာ ၇၀၀၀ ကျပ် မှ ၉၀၀၀ ကျပ်ဖြင့် အသီးသီးရှိပြီး ၊ ဝက်များကိုကျွေးသော ဝက်စာ(ငါးပိညံ့) ငါးပိမှာ ၁ ပိဿာ ၂၅၀၀ ကျပ် မှ ၃၀၀၀ ကျပ်ဖြစ်၍ ငါးပိစိမ်းစားမှာ ၁ ပိဿာ ၁၀၀၀၀ ကျပ်မှ ၁၅၀၀၀ ကျပ်ဖြင့် ရောင်းချလျက်ရှိပြီး ငါးပိ အချိန် ၃ ပိဿာ နှင့် အထက်ဝယ်ယူပါက ဈေးနှုန်းအပြောင်းအလဲရှိ၍ အရောင်းအဝယ်မှာလည်း သွက်လျှက်ရှိကြောင်း ရောင်းချသည့်ဈေးသည်များထံမှသတင်းရရှိပါသည်။
DOCA(ပဲခူး)