၂၀၂၄-၂၀၂၅ ကောက်ရိတ်သိမ်းရာသီတွင် ဗီယက်နမ်သည် သကြားအထွက်နှုန်း တစ်ဟတ်တာလျှင် ၆.၆၉ တန် ဖြင့် ဒေသတွင်းဦးဆောင်သူအဖြစ်ဆက်လက်ရပ်တည်နေကာ ထိုင်း၊ အင်ဒိုနီးရှားနှင့် ဖိလစ်ပိုင်အစရှိသည့် အဓိကထုတ်လုပ်သူများအား ကျော်ဖြတ်နိုင်ကြောင်း သိရပါသည်။ ဗီယက်နမ်နိုင်ငံ ဟနွိုင်းတွင် စက်တင်ဘာလ ၅ ရက်နေ့ကျင်းပပြုလုပ်ခဲ့သည့် ၂၀၂၄-၂၀၂၅ ရာသီသီးနှံစိုက်ပျိုးမှုပြန်လည်ဆန်းစစ်ခြင်းနှင့် ၂၀၂၅-၂၀၂၆ ရာသီအတွက် အစီအစဉ်များ ဆွေးနွေးခြင်း ကွန်းဖရန့်တွင် ဗီယက်နမ်ကြံနှင့်သကြားအသင်း (VSSA) ဥက္ကဌ Nguyen Van Loc က ဗီယက်နမ် ၏ သကြားစက်များသည် ဇွန်လတွင် ကြိတ်ခွဲမှုပြီးမြောက်ခဲ့ပြီးဖြစ်ပြီး သကြား တန်ချိန် ၁.၂၆ သန်း ကျော်ထုတ်လုပ်နိုင်ကာ ၂၀၂၃-၂၀၂၄ ရာသီနှင့်နှိုင်းယှဉ်ပါက ၁၄.၂ ရာခိုင်နှုန်း မြင့်တက်ခဲ့ကြောင်း ပြောကြားခဲ့ပါသည်။ လည်ပတ်နေသည့်သကြားစက်များထံမှ အသင်းက စုဆောင်းထားသည့်အချက်အလက်များအရ ၂၀၂၄-၂၀၂၅ ရာသီတွင် စုစုပေါင်းကြံစိုက်ပျိုးခဲ့သည့် ဧရိယာမှာ ၁၈၉၃၆၀ ဟတ်တာအထိရောက်ရှိခဲ့ပြီး အထွက်နှုန်းမှာ တန်ချိန် ၁၂.၄၂၉ သန်းနီးပါးထိ ရောက်ရှိခဲ့ကြောင်း သိရပါသည်။ နောက်ဆုံးအထွက်နှုန်းအရ စိုက်ပျိုးမှုနည်းစနစ်များတိုးမြှင့်ခြင်း ဆီသို့ဆက်လက်အသွင်ကူးပြောင်းနေခြင်းနှင့် မြင့်မားသောအထွက်နှုန်းနှင့် ပိုမိုကောင်းမွန် သောအရည်အသွေးအပေါ် အဓိကထားနေသည်ကို ပြသနေကြောင်း သိရပါသည်။ ပျမ်းမျှကြံ ဈေးနှုန်းတစ်တန်လျှင် ဗီယက်နမ်ဒေါင် ၁.၂-၁.၃ သန်းနှင့်အတူ လုပ်ငန်းနယ်ပယ်သည် ကြံစိုက်ပျိုး သည့်အိမ်ထောင်စုပေါင်း ၂၂၅၀၀၀ ကျော်၏လူမှုဘဝတိုးတက်ရေးကို ပံ့ပိုးပေးနိုင်ခဲ့ကြောင်း သိရပါ သည်။ ထိုအချက်သည် စိုက်ပျိုးသည့်ဧရိယာတိုးချဲ့ရန်နှင့် လွန်ခဲ့သည့် ၅ ရာသီဆက်တိုက်ကြံနှင့် သကြားအထွက်နှုန်းစဉ်ဆက်မပြတ်မြင့်တက်ရန် ကူညီပေးနိုင်ခဲ့ကြောင်း သိရပါသည်။ ၂၀၂၅-၂၀၂၆ ရာသီအတွက် အသင်းသည် စုစုပေါင်း တစ်ရက်လျှင်ကြံ ၁၂၄၀၀၀ တန်ကြိတ်ခွဲနိုင်စွမ်းရှိ သည့် သကြားစက် ၂၅ ခုဆက်လက်လည်ပတ်ရန် မျှော်မှန်းထားကြောင်း သိရပါသည်။ အထွက်နှုန်းမှာ ကြံတန်ချိန် ၁၃.၃၄ သန်းမှ သကြားတန်ချိန် ၁.၃၇ သန်းထွက်ရှိကာ ၂၀၂၄-၂၀၂၅ ရာသီထက် ၈.၂၄ ရာခိုင်နှုန်းမြင့်တက်ရန်မျှော်မှန်းရကြောင်း သိရပါသည်။
Vietnam Plus
DOCA (ရန်ကုန်)