မင်းဘူးမြို့မဈေးအတွင်း စားဖိုဆောင်သီးနှံများဖြစ်သည့် ကြက်သွန်နီမှာ (၁၅.၉.၂၀၂၂) နေ့တွင် လက်လီ(၁)ပိဿာ(၃၈၀၀)ကျပ် အချိန်(၁၀)အိတ်ဆွဲဈေးမှ (၃၇၀၀)ကျပ် (၃.၉.၂၀၂၂) လဆန်း ပိုင်းမှာ(၃၅၀၀)ကျပ်ဖြစ်၍ (၂၀၀)ကျပ်ဈေးနှုန်းမြှင့်တက်လာကြောင်း ကြက်သွန်နီကို မင်းဘူး၊ စလင်း၊ ဆင်ဖြူကျွန်း ပတ်ဝန်းကျင်ကျေးရွာများမှ တောင်သူများ လှောင်ထားသည့် ကြက်သွန်နီများကို မင်းဘူးမြို့မဈေးအတွင်း လာရောက်ရောင်းချခြင်း ဖြစ်ကြောင်း သိရှိရပါသည်။
စလင်း၊ ဆင်ဖြူကျွန်းမှ ထွက်သည့် ငရုတ်ခြောက်အရှည် ဈေးနှုန်းမှာ ၁ပိဿာလျှင် (၁၈၀၀၀)ကျပ်ဖြစ်ပြီး၊ မိထ္ထီလာမှထွက်သည့် ပင်နှံငရုတ်သီးခြောက် ဈေးနှုန်းမှာ(၁၆၀၀၀)ကျပ် ဖြစ်ကြောင်း ၊မန်းကျည်းသီးမှည့် ၁ပိဿာလျှင် (၃၈၀၀)ကျပ် ဖြစ်ပြီး ရှမ်းပြည်နယ် အောင်ပန်းမြို့မှ ထွက်ရှိသည့်အာလူးမှာ ၁ပိဿာလျှင်(၂၄၀၀/၂၅၀၀)ကျပ် ဖြစ်ကြောင်း ငရုတ်ခြောက်နှင့် မန်းကျည်းသီးမှည့်တို့မှာ ဈေးနှုန်းပြောင်းလဲမှုမရှိကြောင်း သိရပါသည်။
DOCA(မကွေး)