“မုန်လာထုပ်စျေးကွက်အခြေအနေ”

     မန္တလေးတိုင်းဒေသကြီး ၊ ကျောက်ဆည်ခရိုင်၊ကျောက်ဆည်မြို့ရှိ အေးမြကြည်လင်စျေး နှင့် မြို့မစျေးများသို့ မုန်လာထုပ်(ခ)ဂေါ်ဖီထုပ်များ ဝင်ရောက်လျက်ရှိရာ စျေးကွက်အနေဖြင့် အောင်ပန်း၊ ကလော၊ ရွာငံနှင့် ရေဦးမြို့များမှ စျေးကွက်အတွင်းသို့ဝင်ရောက်လျက်ရှိပြီး ယခင်လ မုန်လာထုပ် တစ်ထုပ်လျှင် (၁၀၀၀-၁၂၀၀)ကျပ်အထိ ရောင်းချရပြီး ယခုလတွင် စျေးနှုန်းများ အနည်းငယ် မြင့်တက်လျက်ရှိကြောင်း၊ လက်ရှိ မုန်လာထုပ်စျေးနှုန်းအနေဖြင့် တစ်ထုပ်လျင် ဖောက်သည်စျေး (၁၃၀၀/-)ကျပ် နှင့် လက်လီစျေး(၁၅၀၀/-)ကျပ်အထိ စျေးနှုန်းမြင့်တက် ရောင်းချရသောကြောင့် မုန်လာထုပ်စိုက်ပျိုးသော တောင်သူများ အကျိုးအမြတ်ဖြစ်ထွန်းလျက်ရှိကြောင်း ၊ မုန်လာထုပ်ကို အစိမ်းကြော်၊ အတို့အမြှုပ်၊ မုန်လာထုပ်အချဉ်၊ မုန့်ဟင်းခါးများတွင်လည်း ထည့်၍စားသုံးကြောင်း၊ မုန်လာထုပ်ကို ပဲလှော်ပဲကြော်များဖြင့်လည်း အသုပ်သုပ်၍ စားသုံးနိုင်ကြောင်း ၊ အများပြည်သူများ ဝယ်လိုအားရှိသော မုန်လာထုပ်ကို တောင်သူများ စိုက်ပျိုးသင့်ပါကြောင်း ရေးသားတင်ပြအပ်ပါ သည်။

DOCA(မန္တလေး)