ဗီယက်နမ်နိုင်ငံသည် ၎င်း၏စက်မှုလုပ်ငန်းသုံး စွန့်ပစ်ပစ္စည်းများ၏ ၇၀ ရာခိုင်နှုန်းအထိ ပြန်လည်အသုံးပြုနိုင်ပြီး ရေဆိုး ၆၀ ရာခိုင်နှုန်းမှ ၈၀ ရာခိုင်နှုန်းကို ၂၀၃၀ ပြည့်နှစ်တွင် သန့်စင်နိုင်ရန် ရည်မှန်းချက်ထားရှိပြီး ပြည်တွင်း၌ တီထွင်ထားသော နည်းပညာများနှင့် စက်ကိရိယာများကို အသုံးပြုသွားမည်ဖြစ်ကြောင်း ပြည်တွင်းမီဒီယာ VNExpress က စက်တင်ဘာလ ၅ ရက်နေ့တွင် ဖော်ပြခဲ့သည်။ ရည်မှန်းချက်သည် ဥပဒေဘောင်နှင့် စက်မှုလုပ်ငန်းအစုအဝေးများထူထောင်ရန် အစီအစဉ်များကို အကျဉ်းချုပ်ဖော်ပြသည့် 2025-2030 ကာလအတွင်း သဘာဝပတ်ဝန်းကျင်သဟဇာတရှိသော စက်မှုလုပ်ငန်း ဖွံ့ဖြိုးတိုးတက်ရေးအတွက် အသစ်အတည်ပြုထားသော အမျိုးသားအစီအစဉ်၏ တစ်စိတ်တစ်ပိုင်းဖြစ်သည်။ နိုင်ငံခြားရင်းနှီးမြှုပ်နှံမှုများကို ဆွဲဆောင်ရန်နှင့် ပြည်တွင်းထွက်ကုန်များ တင်ပို့မှုမြှင့်တင်ရန် ရည်ရွယ်၍ သဘာဝပတ်ဝန်းကျင်ဆိုင်ရာ နည်းပညာများ လွှဲပြောင်းပေးသည့် လုပ်ငန်းများအတွက် ရင်းနှီးမြှုပ်နှံမှု မက်လုံးများ ပေးဆောင်မည်ဖြစ်သည်။ ဗီယက်နမ်နိုင်ငံသည် ဆန်းသစ် တီထွင်မှု၊ နည်းပညာလွှဲပြောင်းမှုနှင့် အစိမ်းရောင်ထုတ်ကုန် ကူးသန်းရောင်းဝယ်ရေးတို့ကို အာရုံစိုက်သည့် အမျိုးသားစက်မှုဗဟိုဌာနများ တည်ထောင်ရန်လည်း စီစဉ်ထားကြောင်း သိရှိရပါသည်။
Source : Xinhua
DOCA(ရန်ကုန်)