ကမ္ဘောဒီးယားနိုင်ငံ၊ စာတိုက်နှင့် ကြေးနန်းဝန်ကြီးဌာန (MPTC) နှင့် Huawei တို့သည် 5G အင်တာနက်၊ Artificial Intelligence (AI) နှင့် ကမ္ဘောဒီးယား၏ ဒစ်ဂျစ်တယ်အသွင်ပြောင်းမှုကို အရှိန်မြှင့်ရန်နှင့် ဒေသတွင်းယှဉ်ပြိုင်နိုင်စွမ်းကို အားကောင်းစေရန်အတွက် ပူးပေါင်းဆောင်ရွက်မှု အတွက် ဆွေးနွေးခဲ့ကြသည်။ MPTC ဝန်ကြီး Chea Vandeth သည် အာရှပစိဖိတ်ဒေသဆိုင်ရာ Huawei ၏ ဥက္ကဌ He Tao အား စက်တင်ဘာ ၈ ရက်နေ့က ဖနွမ်းပင်မြို့၌ လက်ခံတွေ့ဆုံခဲ့ သည်။ MPTC ၏ ကြေငြာချက်အရ အဆိုပါဆွေးနွေးပွဲသည် 5G အင်တာနက်ဖြန့်ကျက်မှု၊ AI၊ cloud နည်းပညာနှင့် MPTC ၏ အထင်ကရ ဒစ်ဂျစ်တယ် အစပြုမှုတို့ကို မြှင့်တင်ရန် အဓိကထား ဆွေးနွေးခဲ့ကြသည်။ တွေ့ဆုံစဉ် စီးပွားရေး ယှဉ်ပြိုင်နိုင်စွမ်း မြှင့်တင်ရန်နှင့် ရင်းနှီးမြှုပ်နှံမှုများ ဆွဲဆောင်ရန် ဒစ်ဂျစ်တယ် အသွင်ကူးပြောင်းရေးကို မောင်းနှင်ရန် ကမ္ဘောဒီးယားအစိုးရ၏ ကတိကဝတ်ကို Vandeth က အလေးပေး ပြောကြားခဲ့သည်။ အထူးသဖြင့် နည်းပညာ လွှဲပြောင်းခြင်းနှင့် စွမ်းရည်မြှင့်တင်ခြင်းမှတစ်ဆင့် နိုင်ငံတော်၏ဒစ်ဂျစ်တယ်အသွင်ကူးပြောင်းမှု ကို ပံ့ပိုးပေးရန် Huawei က အခိုင်အမာဖော်ပြခဲ့သည်။ ကုမ္ပဏီသည် ကမ္ဘောဒီးယားနိုင်ငံ၏ လုပ်သားအင်အားကို အနာဂတ်အတွက်အဆင်သင့်ဖြစ်နိုင်သော ကျွမ်းကျင်မှုများဖြင့် ဖြည့်ဆည်းပေးရန်အတွက် အရေးပါသောလူသားအရင်းအနှီးဖွံ့ဖြိုးတိုးတက်ရေးတွင် ပါဝင်ကူညီ မည်ဖြစ်ကြောင်း ကတိပြုခဲ့သည်။
DOCA(ရန်ကုန်)