ကမ္ဘောဒီးယားနိုင်ငံအစိုးရနှင့် ဖိလစ်ပိုင်အစိုးရတို့ကြား နားလည်မှုစာချွန်လွှာ (MoU) သုံးခုနှင့်အတူ နှစ်နိုင်ငံ ပုဂ္ဂလိကကဏ္ဍများအကြား စီးပွားရေးဆိုင်ရာ သဘောတူညီချက်ငါးခုကို လက်မှတ်ရေးထိုးခဲ့ကြောင်း ဖိလစ်ပိုင်သမ္မတ Ferdinand R Marcos Jr's နှင့် ၎င်း၏ ကမ္ဘောဒီးယားနိုင်ငံသို့ သုံးရက်ကြာနိုင်ငံတော်ခရီးစဉ်အပြီး ပြန်လာချိန်တွင် သတင်းထောက်များ အား ပြောကြားခဲ့သည်။ အဓိကကျသော ကဏ္ဍများနှင့် နှစ်နိုင်ငံဆက်ဆံရေး မြှင့်တင်ရန် အတွက် ကမ္ဘောဒီးယားနိုင်ငံ၊ ၀န်ကြီးချုပ် Hun Manet နှင့်တွေ့ဆုံခဲ့ပြီး နှစ်နိုင်ငံနှင့် နိုင်ငံစုံ ပူးပေါင်းဆောင်ရွက်ရေးတို့တွင် အပြန်အလှန် အလေးထားမှုကို အလေးပေး ပြောကြားခဲ့ကြောင်း Marcos Jr မှ ပြောကြားခဲ့သည်။ ကမ္ဘောဒီးယားရှိ ထိပ်တန်းစီးပွားရေးလုပ်ငန်းများနှင့် တရားဝင်စီးပွားရေးကိုယ်စားလှယ်အဖွဲ့နှင့်အတူ အကျိုးရှိစွာ တွေ့ဆုံဆွေးနွေးမှုများပြုလုပ်ခဲ့ပြီး၊ ဖိလစ်ပိုင်နိုင်ငံအတွက် ဖြည့်စွက်အားကောင်းချက်များအပေါ် အာရုံစိုက်ကာ တိုးတက်မှုနှင့် စျေးကွက်ချဲ့ထွင်မှုတို့အတွက် တစ်ဖက်နှင့်တစ်ဖက် ပြိုင်ဘက်ကင်းသော အခွင့်အလမ်းများကို မည်ကဲ့သို့ ပေးဆောင်နိုင်ပုံကို ဆွေးနွေးခဲ့ကြောင်း ဆက်လက်ပြောကြားခဲ့သည်။ လေကြောင်း၊ ထောက်ပံ့ပို့ဆောင်ရေးနှင့် အသေးစား၊ အသေးစားနှင့် အလတ်စား စီးပွားရေးလုပ်ငန်းစသည့် ကဏ္ဍများကို အဓိကထား ချုပ်ဆိုထားသည့် စီးပွားရေးဆိုင်ရာ သဘောတူညီချက်ငါးခုကို လက်မှတ်ရေးထိုးခြင်းဖြင့် စီးပွားရေးအသိုက်အဝန်းနှင့် တွေ့ဆုံစဉ် ဆွေးနွေးမှုများသည် မဟာဗျူဟာမြောက် မိတ်ဖက်များအဖြစ် ပြီးဆုံးခဲ့ကြောင်း Marcos မှ ပြောကြားခဲ့သည်။ စီးပွားရေး သဘောတူညီချက်များသည် ဖိလစ်ပိုင် ထုတ်ကုန်နှင့် ဝန်ဆောင်မှုများ တင်ပို့မှုအတွက် စျေးကွက်အခွင့်အလမ်းများရှာဖွေရန်နှင့် နှစ်နိုင်ငံစီးပွားရေး အသင်းအဖွဲ့များအတွက် အဖွဲ့အစည်းဆိုင်ရာ မိတ်ဖက်များ တိုးပွားလာစေရန်အတွက် လမ်းခင်းပေးမည်ဖြစ်ကြောင်း Marcos က ပြောကြားခဲ့သည်။
DOCA(ရန်ကုန်)