ပြည်ခရိုင်၊ ပြည်ဈေးကွက်ရှိ နနွင်းတက်ပွဲရုံများသို့ ကျောက်ဆည်၊ ဟင်္သာတနှင့် မင်းတုန်းဘက်မှ နနွင်းတက်များဝင်ရောက်လျှက်ရှိပါသည်။ ယခင်က ရှမ်းပြည် အောင်ပန်း၊ ကလောနှင့် ပင်လောင်းဘက်မှ ဝင်ရောက်မှုရှိပေမယ့် ယခုအချိန်တွင် ဝင်ရောက်မှုမရှိဘဲ ဒေသတွင်းထွက်ရှိသော နနွင်းတက်များနှင့် ကျောက်ဆည်ဘက်မှလာသော နနွင်းတက်များဖြင့်သာ အရောင်းအဝယ်ဖြစ်လျှက်ရှိပါသည်။
ပြည်ဈေးကွက်တွင်ဖြစ်ပေါ်လျှက်ရှိသော နနွင်းတက်ဈေးများမှာ အတက်ချော တစ်ပိဿာ လျှင် ၄၀၀၀-၅၀၀၀ကျပ်ဈေးရှိပြီး အတက်အသေးအညှပ်တစ်ပိဿာလျှင် ၃၅၀၀ကျပ်ဖြင့် ရောင်းချ လျှက်ရှိပါသည်။ နနွင်းတက် အသေးအညှက်များကို ခြင်ဆေးခွေပြုလုပ်သူများက အဝယ်ရှိသလို နနွင်းတက်အချောများကို နနွင်းမှုန့်များပြုလုပ်၍ရောင်းချသူများမှ အဝယ်ရှိကြောင်း သိရှိရပါသည်။
DOCA(ပဲခူး)