အင်ဒိုနီးရှားစိုက်ပျိုးရေးဒုဝန်ကြီး Sudaryono က ယခုနှစ်ဆန်တင်သွင်းမှု မပြုလုပ်ရေး မူဝါဒကို ဆက်လက်ထိန်းထားမည်ဖြစ်သော်လည်း အချို့သောစားသောက်ဆိုင်များ အတွက်လို အပ်သော ဆန်အမျိုးအစားများကို တင်သွင်းခွင့်ပြုမည်ဖြစ်ကြောင်း ပြောကြားခဲ့ပါသည်။
ဂျကာတာတွင် စက်တင်ဘာလ ၁၀ ရက်နေ့က ပြုလုပ်သော သတင်းစာရှင်းလင်းပွဲ၌ ၎င်းက ဂျပန်စားသောက်ဆိုင်များအတွက် ဂျပန်ဆန်လိုအပ်ခြင်းနှင့် အာရေဗျနှင့် အိန္ဒိယစားသောက်ဆိုင်များအတွက် ဘာစမာတီဆန်ကဲ့သို့သော ပြည်တွင်းဆန်များနှင့် အစားထိုး မရသော ဆန်များကိုသာ တင်သွင်းခွင့်ပြုမည်ဖြစ်ကြောင်း ဆက်လက်ပြောကြားခဲ့ပါသည်။
၂၀၂၅ ခုနှစ်တွင် ဆန်အပြင် ပြောင်းနှင့် သကြားတင်သွင်း မှုကိုလည်း တင်းတင်းကျပ်ကျပ် တားမြစ်ထားပြီး စာနပ်ရိက္ခာဖူလုံးရေးအတွက် ပြည်တွင်းထုတ်လုပ်မှုကို အကောင်းဆုံးဖြစ်ရန် ကြိုးစားသွားမည် ဖြစ်ကြောင်းလည်း Sudaryono က ပြောကြားခဲ့ပါသည်။
စက်တင်ဘာလအစောပိုင်းတွင် ဆန်လက်ကျန် ပမာဏသည် တန်ချိန်လေးသန်းသို့ ရောက်ရှိခဲ့ပြီး ပြီးခဲ့သည့်နှစ်က ဆန်တန်ချိန် ၁.၂ သန်းကျန်ရှိခြင်းထက် သိသိသာသာ ပို၍များ ကြောင်းသိရှိ ရ ပါသည်။
DOCA(ရန်ကုန်)