၂၀၂၅ ခုနှစ် ၊ စက်တင်ဘာလ ၂၄ ရက်နေ့ နေ့လည် (၁၂:၃၀)နာရီအချိန်တွင် စားသုံးသူရေးရာ ဦးစီးဌာန(ရုံးချုပ်)နေပြည်တော် အစည်းအဝေးခန်းမတွင် ကျင်းပပြုလုပ်သည့် ဝန်ထမ်း စွမ်းဆောင် ရည်မြှင့်တင်ရေးသင်တန်းအား ကန့်ဘလူခရိုင်စားသုံးသူရေးရာဦးစီးဌာန အမှုထမ်းများမှ Virtual စနစ်ဖြင့် တက်ရောက်ခဲ့ပါသည်။
အဆိုပါသင်တန်းတွင် စားသုံးသူရေးရာဦးစီးဌာန(ရုံးချုပ်)နေပြည်တော် မှ ဆရာဦးကျော်ဌေး လက်ထောက်ညွှန်ကြားရေးမှူး မှ နိုင်ငံ့ဝန်ထမ်းနည်းဥပဒေများအကြောင်းများ၊ အငြိမ်းစားယူခြင်း နှင့် ပတ်သက်သည့်အကြောင်းအရာများ၊ ပင်စင်များအကြောင်း၊ ပြစ်မှု/ ပြစ်ဒဏ်များအကြောင်း တို့ကို အကျယ်ဝင့် ရှင်းလင်းသင်ကြားပို့ချခဲ့ပြီး ဒုတိယပိုင်းတွင် စီမံရေးရာဌာနမှ ဒုတိယညွှန်ကြားရေးမှူး ဒေါ်ခင်ဖုန်းမြင့်မှ နိုင်ငံ့ဝန်ထမ်း ဥပဒေ၊ နိုင်ငံ့ဝန်ထမ်း နည်းဥပဒေ ပြဌာန်းချက်များ၊ နိုင်ငံ့ဝန်ထမ်း၏ အဓိပါယ်ဖွင့်ဆိုချက်၊ ဝန်ကြီးဌာနဝန်ထမ်းအဖွဲ့အစည်းများက ပြင်ပပုဂ္ဂိုလ်များအား ခန့်အပ်နိုင်သည့် ရာထူးအဆင့်များ၊ ရာထူးတိုးမြှင့်ခြင်း၊ အရည်အချင်းစစ်ဆေးရေးအဖွဲ့ ဖွဲ့စည်းခြင်း၊ အရည်အချင်း စစ်ဆေးခြင်း၊ ရာထူးသက်/လုပ်သက်အတွက်အမှတ်ပေးခြင်း၊ လူတွေ့စစ်ဆေးရာတွင် (သတိပြုရန်) အချက်များ၊ ရာထူးတိုးမြှင့်ခံစားခွင့်မရှိသည့်အခြေအနေများ၊ နှစ်တိုးလစာနှင့်ပတ်သက်သည့် အကြောင်းများ၊ နှစ်တိုးရေတွက်ရာတွင် ထည့်သွင်းရေတွက်ရမည့်ကာလများ၊ တာဝန်မှ ယာယီ ရပ်ဆိုင်းခြင်းခံရသည့် ဝန်ထမ်းမှတ်တမ်းစာအုပ်တွင် ဝန်ထမ်း၏ မွေးသက္ကရာဇ်ကို ရေသွင်းခြင်း၊ ဝန်ထမ်း၏ အမှတ်အသားများကို မှတ်တမ်းတင်ခြင်း၊ ဝန်ထမ်းမှတ်တမ်းစာအုပ်တွင် စစ်ဆေး အတည်ပြုရန်အချက်များ နှင့် ဝန်ထမ်းမှတ်တမ်းစာအုပ် ပျက်စီး/ ပျောက်ဆုံးလျှင် ဆောင်ရွက်ရမည့် အချက်များအကြောင်းတို့ကို အကျယ်တဝင့် သင်ကြားပိုချခဲ့ပြီး တိုင်း/ခရိုင်/မြို့နယ်များ၏ မေးမြန်းချက်များအား ပြန်လည်ဖြေကြားရှင်းလင်းခြင်းများ ဆောင်ရွက်ခဲ့ပြီး နိဂုံးချုပ်အမှာစကား အနေဖြင့် ဝန်ထမ်းများအနေဖြင့် လုပ်ခွင်ပျော်၍ လုပ်ငန်းတော်သော ဝန်ထမ်းကောင်းများ ဖြစ်နိုင်ကြပါစေလို့ ဆုတောင်းအမှာစကားပြောကြားခဲ့ပြီး သင်တန်းအခမ်းအနားအောင်မြင်စွာ ပြီး မြောက်ကြောင်း သိရသည်။
DOCA (စစ်ကိုင်း)