အင်ဒိုနီးရှားနိုင်ငံ ဘဏ္ဍာရေးဝန်ကြီးဌာနသည် နိုင်ငံ၏ ဗဟိုဘဏ်မှ ရူပီယာငွေ ၇၀ ထရီလီယံ (အမေရိကန်ဒေါ်လာ ၄.၂ ဘီလီယံခန့်) ကို ထုတ်ယူခဲ့ပြီး ကျွန်းစုများတစ်လျှောက် ဒေသဆိုင်ရာ ဖွံ့ဖြိုး ရေးဘဏ်အများအပြားသို့ ရန်ပုံငွေထည့်ဝင်ရန် အစီအစဉ်ရှိကြောင်း ဘဏ္ဍာရေးဝန်ကြီး Purbaya Yudhi Sadewa က အင်္ဂါနေ့တွင် ပြောကြားခဲ့သည်။ ဗဟိုဘဏ်မှ ၎င်း၏ စုဆောင်းငွေမှ နိုင်ငံပိုင် ဘဏ်ငါးခုသို့ ရူပီယာ ၂၀၀ ထရီလီယံ (ဒေါ်လာ ၁၂ ဘီလီယံခန့်) ကို စက်တင်ဘာလတွင် ဝန်ကြီးဌာန က လွှဲပြောင်းပေးပြီးနောက် ရွှေ့ဆိုင်းလိုက်ခြင်းဖြစ်သည်။ အဆိုပါ ပဏာမခြေလှမ်းသည် ဘဏ် လုပ် ငန်းဆိုင်ရာ ငွေဖြစ်လွယ်မှုကို အားကောင်းစေရန်၊ အမှန်တကယ် ကဏ္ဍအတွက် ချေးငွေများ ပံ့ပိုးပေး ရန်နှင့် နိုင်ငံတော်၏ စီးပွားရေးတိုးတက်မှုကို လှုံ့ဆော်ရန် ရည်ရွယ်ပါသည်။ လက်ရှိအချိန် အထိစုစု ပေါင်း ရူပီယာ ၂၇၀ ထရီလီယံခန့်ကို ဗဟိုဘဏ်မှ ထုတ်ယူထားကြောင်း Purbaya က ပြောကြားခဲ့ သည်။ ထိုပမာဏထဲမှ ရူပီယာ ၇၀ ထရီလီယံခန့်ကို ဂျကာတာအစိုးရပိုင် ဘဏ် Jakarta နှင့် အရှေ့ ဂျာဗားပြည်နယ်အစိုးရပိုင် Bank Jatim အပါအဝင် ဒေသဖွံ့ဖြိုးရေးဘဏ် များသို့ ခွဲဝေပေးမည်ဖြစ် သည်။ ဝန်ကြီး၏အဆိုအရ ဘဏ်တစ်ခုစီအတွက် အရင်းအနှီး ထိုးနှံမှုသည် ၎င်းတို့၏ စွမ်းဆောင်ရည် ပေါ်မူတည်၍ ရူပီယာ ၁၀ ထရီလီယံ (ဒေါ်လာ သန်း ၆၀၀ ခန့်) နှင့် ရူပီယာ ၂၀ ထရီလီယံ (ဒေါ်လာ ၁.၂ ဘီလီယံ) ကြားရှိမည်ဖြစ်သည်။ ရွေးချယ်ထားသော ဘဏ်များသည် အရင်းအနှီး ခိုင်မာပြီး သက်ဆိုင်ရာ တိုင်းဒေသကြီး အစိုးရအဖွဲ့များမှ ခိုင်မာသော ပံ့ပိုးကူညီမှုများ ရရှိသောကြောင့် ရွေးချယ် ခဲ့ခြင်းဖြစ်ကြောင်း ၎င်းက ဆက်လက်ပြောကြားသည်။
DOCA(ရန်ကုန်)