တောင်ငူမြို့ရှိ ဆန်ပွဲရုံများတွင် ယခင်အပတ်က ရွှေဘိုပေါ်ဆန်း တစ်အိတ်လျှင် ၁၀၁၀၀၀ ကျပ်၊ ဖျာပုံပေါ်ဆန်း တစ်အိတ်လျှင် ၈၉၀၀၀ ကျပ်နှင့် ဗျော့ထွန်း တစ်အိတ်လျှင် ၄၄၀၀၀ ကျပ် ရှိခဲ့ရာမှ ယနေ့တွင် ရွှေဘိုပေါ်ဆန်း တစ်အိတ်လျှင် ၉၈၀၀၀ ကျပ်၊ ဖျာပုံပေါ်ဆန်း တစ်အိတ်လျှင် ၈၆၀၀၀ ကျပ်နှင့် ဗျော့ထွန်း တစ်အိတ်လျှင် ၄၁၀၀၀ ကျပ် ရှိသဖြင့် တစ်ပတ်အတွင်း ဆန် တစ်အိတ်လျှင် ၃၀၀၀ ကျပ် ဈေးနှုန်းကျဆင်းခဲ့ပါသည်။
စားအုန်းဆီမှာ ယခင်အပတ်က တစ်ပိဿာလျှင် ၇၅၀၀ ကျပ်၊ အလေးချိန် ၁၀ ပိဿာ ပုံးလိုက်ယူလျှင် တစ်ပုံး ၇၀၀၀၀ ကျပ်ရှိခဲ့ပြီး ယနေ့တွင် စားသုံးဆီတစ်ပိဿာ ၇၀၀၀ ကျပ်၊ ၁၀ ပိဿာ ပုံးလိုက်ယူလျှင် တစ်ပုံး ၆၇၀၀၀ ကျပ် ရှိသဖြင့် တစ်ပတ်အတွင်း စားသုံးဆီတစ်ပိဿာလျှင် ၅၀၀ ကျပ် ကျဆင်းခဲ့ပါသည်။
အခြားအခြေခံစားကုန်များဖြစ်သော ဆားမှာ ဆားကြမ်း၊ တစ်ပိဿာလျှင် ၅၀၀ ကျပ်၊ အိုင်အိုဒင်းဆား ၂၅ ကျပ်သားတစ်ထုပ်လျှင် ၃၀၀ ကျပ်၊ ငရုပ်သီးခြောက်အပု တစ်ပိဿာလျှင်၂၂၀၀၀ ကျပ်၊ အရှည် တစ်ပိဿာလျှင် ၂၀၀၀၀ ကျပ်မှ ၁၉၀၀၀ ကျပ်အထိ၊ ကြက်သွန်နီအသေး တစ်ပိဿာလျှင် ၃၂၀၀ ကျပ်၊ အလတ် တစ်ပိဿာလျှင် ၃၄၀၀ ကျပ်နှင့် အကြီး တစ်ပိဿာလျှင် ၃၆၀၀ ကျပ်၊ အာလူး ဂေါ်လီအသေး တစ်ပိဿာလျှင်၁၈၀၀ ကျပ်၊ အသေး တစ်ပိဿာလျှင် ၂၀၀၀ ကျပ်၊ အလတ် တစ်ပိဿာလျှင် ၂၃၀၀ ကျပ်နှင့် အကြီး တစ်ပိဿာလျှင် ၂၆၀၀ ကျပ်ဖြင့် ယခင် အပတ်ကအတိုင်း ဈေးနှုန်းတည်ငြိမ်လျက်ရှိကြောင်း သိရှိရပါသည်။
DOCA(ပဲခူး)