ဘရူနိုင်းနိုင်ငံ ဘဏ္ဍာရေးနှင့် စီးပွားရေး ဝန်ကြီးဌာနသည် အစိုးရ ရင်းနှီးမြှုပ်နှံမှု ပလပ်ဖောင်းတစ်ခု စတင်ခြင်းနှင့် ပတ်သက်၍ အွန်လိုင်းတွင် ပျံ့နှံ့နေသည့် သတင်းမှားများကို သတိထားရန် ပြည်သူများအား သတိပေးခဲ့သည်။
စနေနေ့ကထုတ်ပြန်သည့် သတင်းထုတ်ပြန်ချက်တွင်၊ ၂၀၂၅ ခုနှစ် အောက်တိုဘာလ ၆ ရက် နေ့စွဲပါ "ဘရူနိုင်းဒါရုစလမ်အစိုးရသည် အစိုးရဘွန်းပလပ်ဖောင်းကို လွှင့်တင်သည်" ဟု အမည်ရသည့် ဝဘ်ဆိုက်တွင် လွှင့်တင်ထားသော ဆောင်းပါးတစ်ပုဒ်ကြောင့် ပြည်သူများအား လှည့်စားခြင်းမပြုရန် ဝန်ကြီးဌာနက တိုက်တွန်းထားသည်။
လိမ်လည်လှည့်ဖြားခြင်းမှာ ရာဇသတ်ကြီးပုဒ်မ ၄၁၉ အရ ပြစ်ဒဏ်ခုနစ်နှစ်နှင့် ငွေဒဏ်အထိ ချမှတ်နိုင်သည့် ပြစ်မှုဖြစ်ကြောင်း ဝန်ကြီးဌာနက သတိပေးထားသည်။ အများပြည်သူကို ထိတ်လန့်စေမည့် သတင်းမှားများ ဖြန့်ဝေခြင်းသည် ပြည်သူ့အမိန့်အက်ဥပဒေ ပုဒ်မ ၃၄ အရ ဘရူနိုင်းနိုင်ငံတွင် ရာဇ၀တ်မှုဖြစ်ပြီး ဒဏ်ငွေဘရူနိုင်းဒေါ်လာ ၃၀၀၀ (အမေရိကန်ဒေါ်လာ ၂,၃၁၈)၊ ထောင်ဒဏ်သုံးနှစ် သို့မဟုတ် ဒဏ်နှစ်ရပ်လုံးဖြစ်စေ ချမှတ်နိုင်ကြောင်း ဝန်ကြီးဌာနက ထပ်လောင်းသတိပေးထားကြောင်း သိရှိရပါသည်။
Source : Xinhua
DOCA(ရန်ကုန်)