သီရိလင်္ကာသမ္မတသည် ရင်းနှီးမြှုပ်နှံသူများ၏ လုံခြုံရေးကို ဥပဒေသစ်အရ အာမခံပေးမည်ဟု ကတိပြုခဲ့

         သီရိလင်္ကာသမ္မတ Anura Kumara Dissanayake က နိုင်ငံတွင်းဝင်ရောက်လာမည့် ရင်းနှီးမြှုပ်နှံသူများနှင့် ရင်းနှီးမြှုပ်နှံမှုများ၏ လုံခြုံရေးကို လက်ရှိအစိုးရလက်ထက်တွင် အာမခံပေးမည်ဖြစ်ကြောင်း အောက်တိုဘာလ ၁၁ ရက်နေ့တွင် ပြောကြားခဲ့သည်။

         သီရိလင်္ကာနိုင်ငံ၏ ရင်းနှီးမြှုပ်နှံမှု အခွင့်အလမ်းများ၊ စီးပွားရေးပတ်ဝန်းကျင်နှင့် ဥပဒေ မူဘောင်များကိုလေ့လာရန် သီရိလင်္ကာနိုင်ငံသို့ လာရောက်လည်ပတ်သည့် နိုင်ငံခြားစီးပွားရေး ကိုယ်စားလှယ်အဖွဲ့နှင့် သမ္မတရုံး၌ တွေ့ဆုံရာတွင် ၎င်းက အမှာစကားပြောကြားခဲ့သည်။ သီရိလင်္ကာတွင် ရင်းနှီးမြှုပ်နှံမှုများအတွက် လုံခြုံသောပတ်ဝန်းကျင်ကို ထူထောင်ထားပြီးဖြစ်ကြောင်းနှင့် လက်ရှိအစိုးရသည် ရင်းနှီးမြှုပ်နှံမှုလုပ်ငန်းစဉ်တွင် ပွင့်လင်းမြင်သာမှုနှင့် တည်ငြိမ်မှုရှိစေရန် ဥပဒေအသစ်များ ရေးဆွဲနေကြောင်း သမ္မတက ပြောကြားခဲ့သည်။

        နိုင်ငံခြားရင်းနှီးမြှုပ်နှံမှုများကို ဆွဲဆောင်ခြင်းသည် အစိုးရ၏ ထိပ်တန်းဦးစားပေးအဖြစ် ဆက်လက်တည်ရှိနေကြောင်း အလေးပေးပြောကြားခဲ့ပြီး ရင်းနှီးမြုပ်နှံသူအား အကာအကွယ်ပေးရေး၊ ရင်းနှီးမြှုပ်နှံမှု အခွင့်အလမ်းများတိုးချဲ့ရန်နှင့် ရင်းနှီးမြှုပ်နှံသူများ၏ လုပ်ငန်းဆောင်ရွက်မှုများကို လွယ်ကူချောမွေ့စေရန် ဆောင်ရွက်လျက်ရှိသည်ဟု Dissanayake က ပြောကြားခဲ့သည်။ အစိုးရက ရင်းနှီးမြှုပ်နှံမှု အကာအကွယ်ပေးရေး အက်ဥပဒေကိုလည်း မိတ်ဆက်သွားမည်ဖြစ်ကြောင်း ၎င်းက ဆက်လက်ပြောကြောင်း သိရှိရပါသည်။

Source : Xinhua                                                                                  

DOCA(ရန်ကုန်)