“အောင်မြင်ဖြစ်ထွန်းလျှက်ရှိသောမိုးစပါး”

         မန္တလေးတိုင်းဒေသကြီး ၊ ကျောက်ဆည်ခရိုင်တွင် မိုးစပါးစိုက်ဧက(၁၄၃၇၉၆)ဧက စိုက်ပျိုးနိုင်ခဲ့ကြောင်း သက်ဆိုင်ရာဌာန၏ စာရင်းများအရသိရှိရပါသည်။ မိုးရေ၊မြစ်ရေ၊ချောင်းရေ လုံလောက်စွာရရှိသောကြောင့် မိုးစပါးများ ကောင်းမွန်စွာ အောင်မြင်ဖြစ်ထွန်းလျှက်ရှိပါသည် ။ ကျောက်ဆည်ခရိုင်အတွင်း မိုးစပါးကို အရည်အသွေးကောင်း ၊ စျေးကောင်းရရှိသော ဧရာပဒေသာ စပါးမျိုးကိုအဓိကထားစိုက်ပျိုးပြီး မနောသုခ၊ ရေဆင်းလုံးသွယ်၊ ရွှေမနော်၊ ရွှေသွယ်ရင် စပါးမျိုး များလည်းစိုက်ပျိုးကြကြောင်း ၊ စပါးစိုက်ပျိုးရာတွင် ပက်ကြဲစနစ်သည် ကုန်ကျစရိတ်သက်သာသော ကြောင့် တောင်သူအများစုမှာ ပက်ကြဲစနစ်ကို အများဆုံးစိုက်ပျိုးလာကြကြောင်း ၊ မိုးစပါးတစ်ဧက လျှင်စိုက်ပျိုးစရိတ်(၄၀၀၀၀ဝိ/-)ကျပ် မှ (၅၀၀၀၀ဝိ/-)ကျပ်ဝန်းကျင်ခန့်ရှိကြောင်း၊ ယခုအချိန်တွင် မိုးစပါးများထွက်ပေါ်ခြင်း မရှိသေးသော်လည်း ယခုလက်ရှိ ဧရာပဒေသာစပါး တင်း(၁၀၀)လျှင် (၁၅၀၀၀၀၀/-)ကျပ်၊ မနောသုခစပါးတင်း(၁၀၀)လျှင်(၁၃၅၀၀၀၀/-)ကျပ်ဖြစ်ပြီး ဧရာပဒေသာဆန် တစ်တင်းခွဲအိတ် တစ်အိတ်လျှင်(၆၅၀၀၀/-)ကျပ်၊ မနောသုခဆန်တစ်တင်းခွဲအိတ် တစ်အိတ်လျှင် (၄၇၀၀၀/-)ကျပ်စျေးနှုန်းများဖြင့်ရောင်းဝယ်လျှက်ရှိကြောင်းကုန်သည်ပွဲစားများထံမှသိရှိရပါသည်။ ယခုအချိန်တွင် မိုးစပါးများ ဖုံးတုံးလုံးတုံးအနေအထားဖြင့် မကြာမှီစပါးနှံများ စတင်ထွက်ပေါ် တော့မည့်အနေအထားဖြင့်အောင်မြင်ဖြစ်ထွန်းလျှက်ရှိကြောင်း တောင်သူတစ်ဦး၏ ပြောပြချက်အရ သိရှိရပါသည်။

DOCA(မန္တလေး)