ဧရာဝတီတိုင်းဒေသကြီးအတွင်းရှိ ပြည်ပပို့ကုန်များတွင် ဈေးကွက်ခိုင်မာစွာရရှိနေသော ပဲတီစိမ်းကို ၂၅၆၀၅၉ ဧက စိုက်ပျိုးလျက်ရှိပြီး ထွက်ရှိလာသော ပဲတီစိမ်းများကို ရန်ကုန်မြို့သို့ တင်ပို့လျက်ရှိကြောင်းသိရသည်။ ရောင်းချလျက် ရန်ကုန်မှတစ်ဆင့် တရုတ်၊ အိန္ဒိယနှင့် အခြား ပြည်ပနိုင်ငံများသို့ တင်ပို့ရောင်းချလျက်ရှိကြောင်း သိရသည်။
မြန်မာနိုင်ငံမှထွက်ရှိသော ပဲတီစိမ်းများကို ပြည်ပနိုင်ငံများသို့ ကုန်သွယ်ရေးနည်းလမ်းများဖြစ်သော ပင်လယ်ရေကြောင်းနှင့် နယ်စပ်ကုန်သွယ်ရေးလမ်းကြောင်းများဖြင့် တင်ပို့လျက်ရှိပြီး ကျုံပျော်ခရိုင်တွင် ပဲတီစိမ်းစိုက်ဧက (၆၇၆၂၂) ရှိ၍ ယခင်နှစ်ကျုံပျော်ဈေးကွက်တွင် ပဲတီစိမ်း ၁ တင်း ကျပ် ၉၀၀၀၀ ဈေးနှုန်းဖြင့် အရောင်းအဝယ်ဖြစ်ပြီး ယခုနှစ်ဈေးကွက်တွင် ပဲတီစိမ်း ၁တင်း ကျပ် ၁၁၀၀၀၀ ဈေးဖြစ်သွား၍ ယခင်နှစ်ကာလတူဈေးနှုန်းနှိုင်းယှဉ်ပါက ပဲတီစိမ်း ၁တင်း ကျပ် ၂၀၀၀၀ ဈေးနှုန်းပိုမိုရရှိသည့်အတွက် ပဲတီစိမ်းစိုက်ပျိုးသော တောင်သူများ ဈေးကောင်းရလျက်ရှိကြောင်း ကျုံပျော်ဈေးကွက်မှ သိရှိရပါသည်။
DOCA (ဧရာဝတီ)