ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် ဈေးကွက်အတွင်း အောက်တိုဘာ လ တတိယအပတ်တွင် ဖြစ်ပေါ်လျက်ရှိသော အခြေခံစားကုန်ပစ္စည်းများ၏ ဈေးနှုန်းအခြေအနေအား အောက်တိုဘာလ(၁၈)ရက်နေ့၊ နံနက်(၀၈:၃၀)နာရီအချိန်တွင် ကော့မှူးမြို့နယ်ရပ်ကွက် များနှင့်စည်ပင်သာယာမြို့မဈေးအတွင်း/အပြင်ရှိ စားသောက်ကုန်ပစ္စည်းများ ရောင်းချလျှက်ရှိ သော ဈေးဆိုင်များသို့ ဈေးကွက်စောင့်ကြည့် ကွင်းဆင်းစစ်ဆေးခဲ့ကြောင်း သိရသည်။
စားသုံးသူရေးရာဦးစီးဌာန၊ ရန်ကုန်တိုင်းဒေသကြီး တောင်ပိုင်းခရိုင်ဦးစီးမှူးရုံး၏ ညွှန်ကြားချက်နှင့်အညီ ဈေးကွက်စောင့်ကြည့် ကွင်းဆင်းစစ်ဆေးခဲ့ရာတွင် စားသုံးသူရေးရာ ဦးစီးဌာန၊ ကော့မှူးမြို့နယ် တာဝန်ခံ ဦးတင်မင်း၊ ဒုတိယဦးစီးမှူး ဒေါ်နီလာဝင်းနှင့် မြို့နယ်စည်ပင်သာယာ ရေးအဖွဲ့ မြို့မဈေးတာဝန်ခံ ဦးအေးသွင်တို့ ပူးပေါင်း၍ စည်ပင်လမ်း၊ မကျီးတန်းရပ်ကွက်ရှိ စန်းသော်တာဆန်ဆိုင်၊ ဗိုလ်ချုပ်လမ်း၊ မြို့မရပ်ကွက်ရှိ ဦးကိုလေးကုန်စုံဆိုင်၊ သခင်ကိုယ်တော် မှိုင်းလမ်း၊ မကျီးတန်းရပ်ကွက်ရှိ ဒေါ်ယဉ်ယဉ်မော်ကုန်ခြောက်နှင့် စည်ပင်သာယာမြို့မဈေး အတွင်း/အပြင်ရှိ ဆန်ဆိုင်များ၊ ကုန်ခြောက်ဆိုင်များ၊ ဝက်သား၊ အမဲသား၊ ဆိတ်သားဆိုင်များ၊ ငါး၊ ပုဇွန်နှင့် ငါးပိငါးခြောက်ဆိုင်များ၊ ကြက်ဥ၊ ဘဲဥ လက်လီလက်ကားဆိုင်နှင့် ကုန်စိမ်းဆိုင်တို့ရှိ အခြေခံစားသောက်ကုန်ပစ္စည်းများ၏ ဈေးနှုန်းတို့မှာ သိသိသာသာပြောင်းလဲမှုမရှိသည်ကို တွေ့ရှိ ခဲ့ရပြီး စားအုန်းဆီဈေးနှုန်းမှာလည်း တည်ငြိမ်လျက်ရှိသည်ကို မြေပြင်ဈေးကွက်စောင့်ကြည့် ကွင်းဆင်းစစ်ဆေးခဲ့ကြောင်း သိရှိရပါသည်။
DOCA(ရန်ကုန်)