ဗြိတိန်ဝန်ကြီးချုပ်၏ ကုန်သွယ်ရေးဆိုင်ရာ အထူးကိုယ်စားလှယ် Matt Western MP သည် ကမ္ဘောဒီးယားနိုင်ငံနှင့် ကုန်သွယ်ရေးနှင့် ရင်းနှီးမြှုပ်နှံမှုကို ခိုင်မာစေရန်၊ ကမ္ဘောဒီးယား၏ ရေရှည်တည်တံ့သော စီးပွားရေး ဖွံ့ဖြိုးတိုးတက်မှုကို ပံ့ပိုးရန်အတွက် United Kingdom ၏ ကတိကဝတ်ကို ထပ်လောင်းအတည်ပြုခဲ့ပါသည်။
UK ကုန်သွယ်ရေးဆိုင်ရာ အထူးကိုယ်စားလှယ်၏ ကမ္ဘောဒီးယား၊ ဗီယက်နမ်၊ ထိုင်း၊ လာအိုနိုင်ငံများသို့ သွားရောက်လည်ပတ်ခြင်းသည် နှစ်နိုင်ငံအကြား ပူးပေါင်းဆောင်ရွက်မှုကို မြှင့်တင်ရန်ဖြစ်ကြောင်း ကမ္ဘောဒီးယားရှိ ဗြိတိန်သံရုံးမှ ထုတ်ပြန်သော သတင်းအချက်အလက် အရ သိရှိရပါသည်။
Western သည် အောက်တိုဘာလ ၂၀ ရက်နေ့တွင် ကူးသန်းရောင်းဝယ်ရေး ဝန်ကြီးဌာန၏ နိုင်ငံတော်ဝန်ကြီး Samheng Bora မှ ဧည့်ခံကျင်းပသော နေ့လည်စာ စားပွဲသို့တက်ရောက်ခဲ့ ပါသည်။ နှစ်ဖက်လုံးသည် ကမ္ဘောဒီးယားနှင့် ဗြိတိန်တို့အကြား နှစ်နိုင်ငံကုန်သွယ်ရေး ပူးပေါင်း ဆောင်ရွက်မှုကို ပိုမိုမြင့်မားသော အဆင့်သို့မြှင့်တင်ရန် ဆွေးနွေးခဲ့ကြပါသည်။ Western သည် ကမ္ဘောဒီးယား၏ ကုန်သွယ်ရေးမူဝါဒကို ဆက်လက်ဆောင်ရွက်ရန်အတွက် အခြားသော အဆင့်မြင့်အရာရှိများနှင့် တွေ့ဆုံရန်လည်း စီစဉ်ထားပါသည်။
ထို့အပြင် ၎င်းသည် အလုပ်အကိုင်ဖန်တီးမှု၊ ဆန်းသစ်တီထွင်မှုနှင့် ရေရှည်တည်တံ့ရေးတို့ အတွက် ကမ္ဘောဒီးယားတွင် လုပ်ငန်းလည်ပတ်နေသော ဗြိတိန်စီးပွားရေး လုပ်ငန်းများနှင့်လည်း တွေ့ဆုံမည်ဖြစ်ကြောင်း သိရှိရပါသည်။
ယခုနှစ်၏ ပထမ ၉ လ တွင် ဗြိတိန်သည် ကမ္ဘောဒီးယား၏ နဝမမြောက် အကြီးဆုံး နိုင်ငံခြား ကုန်သွယ်ဖက်အဖြစ် ရပ်တည်ခဲ့ပါသည်။ ဇန်နဝါရီလမှ စက်တင်ဘာလအထိ နှစ်နိုင်ငံကြား စုစုပေါင်း ကုန်သွယ်မှုသည် အမေရိကန်ဒေါ် ၈၂၄ သန်း ကျော်အထိ ရောက်ရှိခဲ့ပြီး ယခုနှစ်ထက် ၄.၉ ရာခိုင်နှုန်း တိုးတက်ခဲ့ပါသည်။ ကမ္ဘောဒီယား၏ ဗြိတန်သို့ တင်ပို့မှုတန်ဖိုးမှာ အမေရိကန်ဒေါ်လာ ၇၈၆ သန်း ရှိခဲ့ပြီး ၅.၄ ရာခိုင်နှုန်း တိုးတက်ခဲ့ကြောင်း သိရှိရပါသည်။
DOCA (ရန်ကုန်)