ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ်ရှိ စည်ပင်သာယာမြို့မဈေး အတွင်း ဆေးမျိုးစုံရောင်းချနေမှု အခြေအနေများအား စားသုံးသူရေးရာဦးစီးဌာန၊ ခရမ်းမြို့နယ်တာဝန်ခံ သည် မြို့နယ်စည်ပင်သာယာရေးအဖွဲ့ ဈေးတာဝန်ခံတို့နှင့်ပူးပေါင်း၍ အောက်တိုဘာလ(၂၂) ရက်နေ့၊ နံနက်(၁၀:၀၀)နာရီအချိန်တွင် ကွင်းဆင်းစစ်ဆေးခဲ့ကြောင်း သိရှိရပါသည်။
ထိုသို့ ကွင်းဆင်းစစ်ဆေးရာတွင် မြို့မဈေးအတွင်းရှိ ဇူလိုင်ဆေးဆိုင်၊ ဦးမြဝိုင်း+ ဒေါ်တင်ရွှေဆေးဆိုင်များတွင် ရောင်းချနေသော လူသုံးများပြီး နာတာရှည်ရောဂါသည်များ သောက်သုံးသောဆေးဝါးများဖြစ်သည့် နှလုံးရောဂါဆေး၊ ဆီးချိုဆေး၊ အာရုံကြောဆေး၊ အကိုက် အခဲပျောက်ဆေး၊ သွေးပေါင်ကျဆေး၊ ကျောက်ကပ်ဆေး၊ အသည်းရောဂါဆေးဝါးများ ပစ္စည်း ပြတ်လပ်မှုရှိ/မရှိနှင့် ဆေးဝါးများအား ဝယ်ယူသည့်ကုမ္ပဏီ၊ ဝယ်ယူဈေးနှုန်းပေါ်တွင် အမြတ်% တင်၍ ရောင်းချနေမှု အခြေအနေများ၊ ဆေးဝါးလက်ကျန်ရှိမှု အခြေအနေကို စစ်ဆေးခဲ့ကြပြီး ဆေးဝါးများအား မှတ်ပုံတင်ပြီး ဆေးဝါးများ ရောင်းချကြရန် စံမမှီဆေးဝါးနှင့် FDA မှ သောက် သုံးရန်မသင့် ထုတ်ပြန်ထားသောဆေးဝါးများ၊ တိုင်းရင်းဆေးဝါးများတွင် အနောက်တိုင်းဆေးဝါး များရောနှောထားသော ဆေးဝါးတုများကို ရောင်းချခြင်းမပြုလုပ်ကြရန်နှင့် ထိုသို့သော ဆေးဝါးများအား ရောင်းချခြင်း၊ ဈေးနှုန်းများမြှင့်တင်ရောင်းချခြင်းများအား စစ်ဆေးတွေ့ရှိပါက ဥပဒေ အတိုင်းအရေးယူဆောင်ရွက်မည်ဖြစ်ကြောင်း အသိပေးခဲ့ကြောင်း သိရှိရပါသည်။
DOCA(ရန်ကုန်)