“ ခရမ်းမြို့နယ်ဈေးကွက်အတွင်းထိုင်းနိုင်ငံထုတ်စားသောက်ကုန်နှင့်လူသုံးကုန်ပစ္စည်းများ ရောင်းချနေမှုအားကွင်းဆင်းစစ်ဆေးခြင်း ”

         ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ် စည်ပင်သာယာဈေးအတွင်းနှင့် ဈေးပြင်ပဆိုင်များတွင် ထိုင်းနိုင်ငံထုတ်စားသောက်ကုန်နှင့် လူသုံးကုန်ပစ္စည်းများ ရောင်းချနေမှု အခြေအနေကို စားသုံးသူရေးရာဦးစီးဌာန၊ ခရမ်းမြို့နယ်တာဝန်ခံသည် မြို့နယ်စည်ပင်သာယာ ရေးအဖွဲ့ ဈေးတာဝန်ခံတို့နှင့် ပူးပေါင်း၍ အောက်တိုဘာလ(၂၃)ရက်နေ့၊ နံနက်(၁၀:၀၀)နာရီ အချိန်တွင် ကွင်းဆင်းစစ်ဆေးခဲ့ကြောင်း သိရှိရပါသည်။

          ထိုသို့ ကွင်းဆင်းစစ်ဆေးရာတွင် စည်ပင်သာယာမြို့မဈေးအတွင်းရှိ ထိုင်းနိုင်ငံထုတ်ကုန် ပစ္စည်းများရောင်းချသောဆိုင်များနှင့် ဈေးပြင်ပဆိုင်များတွင် ရောင်းချနေသော စားသောက်ကုန်၊ လူသုံးကုန်ပစ္စည်းများနှင့် ယခင်ပတ်ဈေးနှုန်း၊ ယခုပတ်ဈေးနှုန်းများ စာရင်းများအား ကောက်ယူ စစ်ဆေးရာတွင် ထိုင်းနိုင်ငံထုတ်ကုန်ပစ္စည်းအများစုမှာ ကုန်ပစ္စည်းများ ပြတ်နေပြီး အချို့ကုန် ပစ္စည်းများသည် ဆိုင်ရှိလက်ကျန်ပစ္စည်းများသာ ရောင်းချလျက်ရှိပြီး ဈေးနှုန်းများမှာ ယခင်ပတ် နှင့်ယခုပတ်ဈေးနှုန်း ကွာခြားမှုမရှိကြောင်း စစ်ဆေးတွေ့ရှိရကြောင်း သိရှိရပါသည်။

DOCA(ရန်ကုန်)