တောင်ငူမြို့ ဈေးများရှိ အသားနှင့်ငါးဈေးနှုန်းများမှာ ဘော့ပုဇွန်အကြီး(၁) ပိဿာလျှင် ယခင်လက ၄၀၀၀၀ ကျပ် ရှိရာမှ ယခုအောက်တိုဘာလ တတိယပတ်တွင် ၄၃၀၀၀ ကျပ်ဖြင့် ရောင်းချပြီး၊ ချောင်းပုဇွန်မှာ (၁)ပိဿာလျှင် အကောင် အကြီး၊အသေးပေါ် မူတည်၍ ၄၃၀၀၀ ကျပ်မှ ၄၅၀၀၀ ကျပ်၊ ပုဇွန်သေး (၁)ပိဿာလျှင် ၁၇၀၀၀ ကျပ်၊ ငါးဖယ်ခြစ်မှာ (၁)ပိဿာလျှင် ယခင်လက ၃၅၀၀၀ကျပ်ဖြင့် ရောင်းချပြီး ယခုအောက်တိုဘာလ တတိယပတ်တွင် ၃၈၀၀၀ ကျပ်ဖြင့် ရောင်းချလျက်ရှိသည်။
ငါးဈေးနှုန်းများမှာ ငါးသလဲထိုး (၁)ပိဿာလျှင် ၄၀၀၀၀ကျပ်၊ ငါးခူ (၁)ပိဿာလျှင် ၂၅၀၀၀ ကျပ်၊ ငါးပတ်အကောင် အကြီး၊အသေးပေါ် မူတည်၍ ၁၆၀၀၀ ကျပ်မှ ၂၀၀၀၀ ကျပ်ထိ ရောင်းချပြီး၊ ငါးမြစ်ချင်း (၁)ပိဿာလျှင် ၁၃၅၀၀ ကျပ်၊ ငါးမြင်း (၁)ပိဿာလျှင် ၁၀၀၀၀ ကျပ်၊ ငါးကြင်းဖြူ အကောင် အကြီး၊ အသေးပေါ် မူတည်၍ (၁)ပိဿာလျှင် ၂၀၀၀၀ ကျပ်မှ ၂၂၀၀၀ကျပ်ဖြင့် ရောင်းချလျက်ရှိရာ ပုံမှန်ရောင်းရကြောင်း ငါးမျိုးစုံ နှင့် ပုဇွန် ရောင်းချသည့် ဈေးသည်ထံမှ သိရှိရသည်။
DOCA(ပဲခူး)