စစ်ကိုင်းတိုင်းဒေသကြီး၊ ကန့်ဘလူခရိုင် ကန့်ဘလူမြို့၏ ကျက်သရေဆောင် မဟာရွှေစည် ကြီးစေတီတော်၌ ဘုရားဖူးလာပြည်သူများ စိတ်အေးချမ်းသာစွာ ဖူးမြော်နိုင်ရေးနှင့် သန့်ရှင်းသာယာ လှပရေးအတွက် ဌာနဆိုင်ရာများ အပတ်စဉ်စုပေါင်းသန့်ရှင်းရေး ဆောင်ရွက်ခြင်းကို အောက်တိုဘာ လ ၂၅ ရက် နံနက် ၀၇:၀၀နာရီက ဆောင်ရွက်ခဲ့ကြောင်း သိရသည်။
အဆိုပါစုပေါင်းသန့်ရှင်းရေးဆာင်ရွက်ရာတွင် ခရိုင်/မြို့နယ်စီမံခန့်ခွဲရေးနှင့်အုပ်ချုပ်ရေး ကော် မတီအဖွဲ့ဝင်များ၏ ကြီးကြပ်မှုဖြင့်၊ ခရိုင်/မြို့နယ်အထွေထွေအုပ်ချုပ်ရေးဦးစီးဌာနမှ ဝန်ထမ်းများ၊ စားသုံးသူရေးရာဦးစီးဌာနမှ တာဝန်ခံဦးမျိုးဝင်းသန်းနှင့် ဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ စည်ပင်သာယာရေးအဖွဲ့၊ ခရိုင်/မြို့နယ်ဌာနဆိုင်ရာဝန်ထမ်းများ၊ ဆရာ/ဆရာ မများနှင့် ဒေသခံပြည်သူများ မဟာရွှေစည်ကြီး စေတီတော်ဘုရားဝင်းအတွင်းရှိ ခြုံနွယ်ပိတ်ပေါင်း များရှင်းလင်းခြင်း၊ တံမြက်စည်းလှဲခြင်း၊ သစ်ကိုင်းသစ်ခက်များ ခုတ်ထွင်ရှင်းလင်းခြင်းတို့ကို စုပေါင်း ဆောင်ရွက်ခဲ့ကြောင်း သိရသည်။
DOCA (စစ်ကိုင်း)