သီရိလင်္ကာသည် အရက်ခွန်လိုက်နာမှုကို မြှင့်တင်ရန် တင်းကျပ်သော ယစ်မျိုးစည်းမျဉ်းများကို ပြဋ္ဌာန်း

          သီရိလင်္ကာနိုင်ငံသည် ၎င်း၏အရက်ခွန်စည်းကြပ်မှုစည်းမျဉ်းများကို တင်းကျပ်ထားပြီး အစိုးရ ပြန်တမ်းသစ်တွင် လိုက်နာမှုနှင့် ဝင်ငွေကောက်ခံမှုကို မြှင့်တင်ရန် တင်းကျပ်သော သတ်မှတ်ရက်နှင့် ပြစ်ဒဏ်များကို အောက်တိုဘာလ ၂၈ ရက်‌နေ့က ချမှတ်ခဲ့သည်။ ဘဏ္ဍာရေးနှင့် စီးပွားရေးဖွံ့ဖြိုး တိုးတက်မှုဝန်ကြီးအဖြစ် သမ္မတ Anura Kumara Dissanayake မှ ထုတ်ပြန်သည့် အဆိုပါ သတိပေးချက်သည် ချက်ချင်းအကျိုး သက်ရောက်မည်ဖြစ်သည်။ ပြန်လည်ပြင်ဆင်ထားသော စည်းမျဉ်းများအောက်တွင် လိုင်စင်ရအရက် ထုတ်လုပ်သူ အားလုံးသည် ယစ်မျိုးနည်းဥပဒေပုဒ်မ ၂၂ အရ သတ်မှတ်ထားသော နောက်ဆုံးရက်အတွင်း ၎င်းတို့၏ အခွန်အခများကို ပေးဆောင်ရမည်ဖြစ်သည်။ ရက်ပေါင်း ၃၀ အတွင်း ထိုသို့ လုပ်ဆောင်ရန်ပျက်ကွက်ပါက ၎င်းတို့၏ ပုလင်းဖုံးလိုင်စင်ကို ရပ်ဆိုင်းလိုက်မည် ဖြစ်သည်။ အခွန်များ သို့မဟုတ် ဆက်စပ်အခကြေးငွေများကို ရက်ပေါင်း ၉၀ ထက်ပို၍ ပေးဆောင်ခြင်းမပြုပါက မူလသတ်မှတ်သူမှ ကိုင်ဆောင်ထားသော လိုင်စင်အားလုံးကို ဆိုင်းငံ့ထားမည်ဖြစ်သည်။ ယခင်က မလိုက်နာမှုများအတွက် ဆိုင်းငံ့ကာလသည် ခြောက်လဖြစ်ပြီး ယခုအခါ သုံးလသို့ တိုတောင်းသွားသည့်အတွက် သိသိသာသာ တင်းကျပ်လာခြင်းဖြစ်သည်။ အဆိုပါ ပြဋ္ဌာန်းချက်များသည် ဥပဒေတွင် ရှိသော်လည်း ယခုအချိန်အထိ တင်းကျပ်စွာ ကျင့်သုံးခြင်းမရှိသေးကြောင်း ယစ်မျိုး ဦးစီးဌာန၏ထုတ်ပြန်ချက်အရ သိရသည်။ ယစ်မျိုးဌာနမှ ကောက်ခံရရှိ သော အခွန်များသည် အစိုးရဝင်ငွေ၏ အဓိကအရင်းအမြစ်များထဲမှ တစ်ခုဖြစ်သည်။ ယခုနှစ်အတွက် ရည်မှန်းထားသည့် အခွန်ငွေမှာ ရူပီး ၂၄၂ ဘီလီယံ (အမေရိကန်ဒေါ်လာ ၈၀၆ သန်းခန့်) ဖြစ်ကြောင်း သိရှိရပါသည်။

Source : Xinhua                                                                                   

DOCA(ရန်ကုန်)