ဗီယက်နမ်နှင့် စင်ကာပူတို့သည် ဆန်ကုန်သွယ်ရန်အတွက် MOC ကို တောင်ကိုရီးယားနိုင်ငံတွင် အောက်တိုဘာလ ၃၀ ရက်နေ့ကကျင်းပခဲ့သည့် APEC Economic Leaders’s Week တွင် လက်မှတ်ရေးထိုးခဲ့ပြီး စီးပွားရေးပူးပေါင်းဆောင်ရွက်မှုမြှင့်တင်ရန်နှင့် ဒေသတွင်း အစားအစာဖူလုံမှုရှိစေရန်အတွက် ခြေလှမ်းတစ်ရပ်လှမ်းနိုင်ခဲ့ကြောင်း သိရပါသည်။ MOC ကို ဗီယက်နမ် စက်မှုနှင့် ကုန်သွယ်ရေးဝန်ကြီး Nguyen Hong Dien နှင့် စင်ကာပူ ရေရှည်တည်တံ့ရေးနှင့် သဘာဝ ပတ်ဝန်းကျင်ဝန်ကြီးနှင့် ကုန်သွယ်ရေးဆက်ဆံမှု တာဝန်ခံဝန်ကြီးဖြစ်သူ Grace Fu တို့အကြား လက်မှတ်ရေးထိုးခဲ့ခြင်းဖြစ်ကြောင်း သိရပါသည်။ ၎င်းသည် တည်ငြိမ်ပြီး စဉ်ဆက်မပြတ် ဆန်ကုန်သွယ်မှုမြှင့်တင်ရန်နှင့် မလိုအပ်ပဲကုန်သွယ်မှု ကန့်သတ်ခြင်းကို ရှောင်ရှားခြင်းပါဝင်သော အပြန်အလှန်အစားအစာဖူလုံမှု အားကောင်းရန် အတွက် ခိုင်မာသောအခြေခံအုတ်မြစ်တစ်ခုဖြစ်ခဲ့ကြောင်း သိရပါသည်။ လက်မှတ်ရေးထိုးသည့် အခမ်းအနားတွင် Dien က စင်ကာပူသည် ဗီယက်နမ်၏ထိပ်တန်းစီးပွားရေးမိတ်ဖက်များနှင့် အဓိကဈေးကွက်များထဲမှ တစ်ခုဖြစ်ပြီး MOC သည် ဗီယက်နမ်-စင်ကာပူဘက်ပေါင်းစုံ မဟာဗျူဟာမိတ်ဖက်အကောင်အထည်ဖော်ရာတွင်အခြေ ခံအုတ်မြစ်တစ်ခုဖြစ်လာရန်နှင့် ဆန်ကုန်သွယ်ရေးတွင် ရေရှည်ပူးပေါင်းဆောင်ရွက်ရန်အတွက် ခိုင်မာသောခြေလှမ်းတစ်ခုဖြစ်ကြောင်း ပြောကြားခဲ့ပါသည်။ ဗီယက်နမ်-စင်ကာပူဆန်ကုန်သွယ်မှု မြှင့်တင်ခဲ့ခြင်းသည် အာဆီယံအတွင်း ထောက်ပံ့မှုကွင်းဆက်နှင့် အစားအစာဖူလုံမှုလုံခြုံစိတ်ချရမှု ရှိရေးအတွက် နှစ်နိုင်ငံ၏ ပူးတွဲကတိကဝတ်ပြုမှုကို ရောင်ပြန်ဟပ်ကြောင်း သိရပါသည်။ Dien က ၎င်းသည် နှစ်နိုင်ငံအကြားအနီးကပ်ပူးပေါင်းဆောင်ရွက်ရန်နှင့် စင်ကာပူသို့ ဗီယက်နမ်၏ အရည် အသွေးမြင့်သောအစားအစာကို ထောက်ပံ့ရန်အတွက် ယုံကြည်ချက်ရှိနေကြောင်း ပြောကြားခဲ့ပါသည်။ တစ်ချိန်တည်းမှာပင် Fu က MOC သည် ဆန်ကုန်သွယ်ရေးအပေါ် စင်ကာပူ၏ ပထမဆုံး ကုန်သွယ်ရေးမိတ်ဖက်နှင့် MOC ဖြစ်ကြောင်း ပြောကြားခဲ့ကြောင်း သိရှိရပါသည်။
Vietnam Plus
DOCA (ရန်ကုန်)