စစ်ကိုင်းတိုင်းဒေသကြီးအတွင်းရှိမြို့များတွင် ဓာတ်သတ္တု(ရွှေ)ရောင်းဝယ်ခြင်း ဝန်ဆောင်မှု လုပ်ငန်း များဆောင်ရွက်လျက်ရာ ၂၀၂၅ ခုနှစ် နိုဝင်ဘာလ (၅) ရက်နေ့တွင် စစ်ကိုင်းတိုင်းဒေသကြီး DICA အစည်းအဝေးခန်းမ၌ စစ်ကိုင်းတိုင်းဒေသကြီး ဓာတ်သတ္တု(ရွှေ)ရောင်းဝယ်ခြင်း ဝန်ဆောင်မှု လုပ်ငန်း ဖွင့်လှစ်လုပ်ကိုင်လျက်ရှိသည့် လူပုဂ္ဂိုလ် သို့မဟုတ် ကုမ္ပဏီများအား စစ်ဆေးနိုင်ရန် စိစစ်ရေးအဖွဲ့၏ ပထမအကြိမ် လုပ်ငန်းညှိနှိုင်းအစည်းအဝေး ကျင်းပခဲ့ပါသည်။
အစည်းအဝေးကို ကနဦးစိစစ်ရေးအဖွဲ့ဥက္ကဌ၊စစ်ကိုင်းတိုင်းဒေသကြီးအစိုးရအဖွဲ့၊ သယံဇာတ ဝန်ကြီးက အဖွင့်အမှာ စကားပြောကြားပြီး စိစစ်ရေးအဖွဲ့၊အဖွဲ့ခေါင်းဆောင် အထွေထွေအုပ်ချုပ်ရေး ဦးစီးဌာန၊ ညွှန်ကြားရေးမှူးက စစ်ကိုင်းတိုင်းဒေသကြီး၊ကနဦးစိစစ်ရေးအဖွဲ့အနေဖြင့် လျှောက်လွှာ လက်ခံရရှိမှုမှာ ပုံစံ (၁) ၈စောင်နှင့် ပုံစံ(၂) ၂၁၃ စောင်၊စုစုပေါင်း ၂၂၁ စောင် လက်ခံရရှိထားပါ ကြောင်း၊ လုပ်ငန်းလိုင်စင်စိစစ်ရေးအဖွဲ့၊နေပြည်တော်သို့ ပုံစံ(၁) ၅ စောင်နှင့်ပုံစံ(၂) ၂၀၃ စောင်၊ စုစုပေါင်း ၂၀၈ စောင်ပေးပို့တင်ပြခဲ့ပြီး စိစစ်ဆောင်ရွက်ဆဲ ပုံစံ(၁)၃ စောင်နှင့်ပုံစံ(၂) ၁၀ စောင်၊ စုစုပေါင်း ၁၃ စောင်ဖြစ်ပြီး လုပ်ငန်းလိုင်စင် ရရှိပြီး ပုံစံ (၂) ၁၁ စောင်ရှိကြောင်း၊ စိစစ်ရေးအဖွဲ့က မြေပြင် ကွင်းဆင်းစစ်ဆေးသည့်အခါ ဓာတ်သတ္တု(ရွှေ)ရောင်းဝယ်ခြင်း ဝန်ဆောင်မှုလုပ်ငန်း ဖွင့်လှစ် လုပ်ကိုင်လျက်ရှိသည့် လူပုဂ္ဂိုလ်စာရင်းများ၊ကုမ္ပဏီများနှင့်အရောင်းဆိုင်များအနေဖြင့် ပူးပေါင်းပါဝင် ဆောင်ရွက်ပေးရန်လိုကြောင်းပြောကြားခဲ့ပြီး အဆိုပါ စိစစ်ရေးအဖွဲ့တွင် စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီးဦးစီးမှူးက အဖွဲ့ဝင်အနေဖြင့် တက်ရောက်ခဲ့ကြောင်း သတင်းရရှိပါသည်။
DOCA(စစ်ကိုင်း)