စစ်ကိုင်းတိုင်းဒေသကြီး၊ ကန့်ဘလူခရိုင် ကန့်ဘလူမြို့ရှိ ကုန်စုံဆိုင်များတွင် ကြံသကာ၊ ရေဦးထန်းလျက်၊ ရေဦးပေါက်ပေါက်ဆုပ်၊ မြေပဲယို၊ နှမ်းယိုနှင့် ထန်းလျက်များ ရောင်းချလျက်ရှိရာ ထန်းလျက်များကို ရေဦးမြို့နှင့် ရွှေဘိုမြို့လက်လီ/လက္ကားဆိုင်များမှ ဝယ်ယူရောင်းချကြောင်း သိရ သည်။
၂၀၂၅ ခုနှစ်၊ နိုဝင်ဘာလ ဒုတိယပတ်တွင် ရောင်းချလျက်ရှိသော ထန်းလျက်ဈေးနှုန်းမှာ ကြက်မင်းကြီး(၁)ပိဿာ (၉၀၀၀)ကျပ်၊ ဝါးတော(၁)ပိဿာ (၆၅၀၀)ကျပ်၊ စမုံထန်းလျက်(၁)ပိဿာ လျှင် (၉၀၀၀)ကျပ်၊ ကြံသကာ(၁)ပိဿာလျှင် (၆၀၀၀)ကျပ်နှင့် (၅၀)ကျပ်သားလျှင် (၃၀၀၀)ကျပ် ဈေးနှုန်းတို့ဖြင့် ရောင်းချလျက်ရှိရာ ထန်းလျက်ကို အစားအသောက်များ ချက်ပြုတ်ရာတွင်လည်း ကောင်း၊ မြန်မာမုန့်ပြုလုပ်ရာတွင်လည်းကောင်း၊ ကျေးလက်နေပြည်သူများက အသုံးပြုကြသည့် အတွက် ပုံမှန်အရောင်းအဝယ်ဖြစ်လျက်ရှိကြောင်း လုပ်ငန်းရှင်များထံမှ သိရသည်။
DOCA(စစ်ကိုင်း)