မြန်မာနိုင်ငံမှ ဘင်္ဂလာဒေ့ရှ်နိုင်ငံသို့ ဆန်တန်ချိန် နှစ်သိန်းတင်ပို့ရန် G to G သဘောတူ စာချုပ်ချုပ် ဆိုထားပြီး ပုသိမ်စက်မှုမြို့တော် ဆိပ်ကမ်းမှ ဆန်တင်ချိန်သုံးသောင်းမှ ငါးသောင်း တင် ပို့ရန်လျာထားဆောင်ရွက်လျက်ရာ အောက်တိုဘာလ ၂၈ရက် နေ့မှစတင်၍ ပထမအကြိမ် ဧည့်မထ ၅မှတ် ဆန်တန်၂၆၅၀ကို စတင်၍ သင်္ဘောတင်လျက်ရှိကြောင်း အဆိုပါ ဆိပ်ကမ်းမှ သိရပါသည်။
မြန်မာနိုင်ငံ၏ စပါးကျီဟု တင်စားခေါ်ဝေါ်လျက်ရှိသော ဧရာဝတီတိုင်းဒေသကြီး၏ မြို့တော် ပုသိမ်မြို့မှ ပြည်ပဆန်တင်ပို့နိုင်မှုအတွက် နိုင်ငံခြားဝင်ငွေ ရရှိစေတဲ့အပြင် နိုင်ငံတော်နဲ့ ပုဂ္ဂလိက စီးပွားရေးလုပ်ငန်းရှင်များ ဟန်ချက်ညီညီပူးပေါင်းဆောင်ရွက်ခြင်းဖြင့် ဧရာဝတီတိုင်းဒေသကြီး၏ စီးပွားရေးလုပ်ငန်းများ ပိုမိုဖွံ့ဖြိုးတိုးတက်လာဖြစ်ကြောင်း “ပုသိမ်မြို့မှ ပြည်ပဆန်တင်ပို့နိုင်မှုမှာ ပထမခြေလှမ်း ဖြစ်ပြီး ဒုတိယအနေဖြင့် ဆန်နှင့် ဆန်ထွက်ပစ္စည်းများသာမက ပဲ၊ ပြောင်း၊ နှမ်း တို့ ကို လည်းတင်ပို့နိုင်ရန် မျှော်မှန်းထားကြောင်းပြည်ပဆန်တင်ပို့နိုင်သည့်အတွက် တိုင်းဒေသကြီး၏ GDP တန်ဖိုးလည်း တက်လာမှာ ဖြစ်သလို နိုင်ငံတော်မှမျှော်မှန်းထားတဲ့ ကုန်သွယ်မှုလုပ်ငန်း တွေ မြန်ဆန်သွက်လက်ဖို့အတွက် ခြေလှမ်းသစ်တစ်ခု စတင်နိုင်ခဲ့ပြီဖြစ်ကြောင်း” မြန်မာဆန်ကို အိမ်နီး ချင်းနိုင်ငံသို့ တင်ပို့နိုင်ခြင်းဖြင့်Exporter ဆန်စက်ပိုင်ရှင်၊ စီးပွားရေးလုပ်ငန်းရှင်၊ ကုန်တင် ကားပိုင်ရှင်၊ လုပ်သားများ၊ တောင်သူများ၊ ဆန်၊ စပါး နှင့် စပ်ဆက်သောလုပ်ငန်းများအတွက်လည်း အလုပ် အကိုင်အခွင့်အလမ်းများ ရရှိနိုင်ပြီး လာမည့် နှစ်တွေမှာလည်း စီးပွားကူးသန်းဝန်ကြီးဌာနနဲ့ တိုင်းဒေသကြီးအစိုးရအဖွဲ့ လမ်းညွှန်မှုနှင့် အတူ နိုင်ငံတော်၊ကုမ္ပဏီ/လုပ်ငန်းရှင်၊ ဆန်းစပါး အသင်း အဖွဲ့၊ စိုက်ပျိုးတောင်သူများ လက်တွဲပူးပေါင်း၍ ပြည်ပသို့ကုန်တိုးမြှင့်တင်ပို့နိုင်ရေးကြိုးပမ်း ဆောင် ရွက် သွားမည် ဖြစ်ကြောင်း စားသုံးသူရေးရာ ဦးစီးဌာန တိုင်းဦးစီးမှူး ဦးစိုးအောင်က MRTV သတင်း ဌာနခွဲသို့ ပြောကြား ခဲ့ပါသည်။
ပုသိမ်စက်မှုမြို့တော်ဆိပ်ကမ်း (Ayeyarwaddy International Industrial Port AIIP မှMv MCL 7 ကုန်တင်သင်္ဘောဖြင့် တန်ချိန် ၂၆၅၀ ကို နိုဝင်ဘာလ ၁ရက်နေ့တွင် တင်ဆောင်ပြီးစီး၍ ဘင်္ဂလားဒေ့ရှ်နိုင်ငံသို့ ထွက်ခွာမည်ဖြစ်ပြီး ဆက်လက်တင်ဆောင်မည် ကုန်တင်သင်္ဘောများလည်း တစ်စီးဝင်တစ်စီးထွက် စနစ်ဖြင့် ဆက်လက်ဝင်ရောက်နေမည် ဖြစ်ကြောင်းသိရသည်။
DOCA (ဧရာဝတီ)