အသေးစား၊ အငယ်စားနှင့် အလတ်စား စီးပွားရေးထုတ်ကုန်လုပ်ငန်းများပြပွဲနှင့် ဈေးရောင်းပွဲတော်အခမ်းအနားကို အောက်တိုဘာလ ၃၁ရက် နံနက် ၈နာရီက မကွေးခရိုင်အားကစားကွင်း၌ ကျင်းပပြုလုပ်ရာ တိုင်းဒေသကြီး အစိုးရအဖွဲ့ ဝန်ကြီးချုပ် ဦးတင့်လွင်နှင့် တိုင်းဒေသကြီးအစိုးရ အဖွဲ့ဝင်ဝန်ကြီးများ၊ ဖိတ်ကြားထားသောဧည့်သည်တော်များ၊ ဌာနဆိုင်ရာတာဝန်ရှိသူများ၊ အသေးစား၊ အငယ်စားနှင့် အလတ်စား စီးပွားရေးလုပ်ငန်းရှင်များနှင့် ပြပွဲသို့လာရောက် ကြည့်ရှုကြသည့် ဧည့်ပရိတ်သတ်များ တက်ရောက်ခဲ့ကြပါသည်။
ပြပွဲတွင် ဆိုင်ခန်းပေါင်း(၈၀)ကျော်ဖြင့် ပြသသွားမည်ဖြစ်ပြီး စီးပွာရေးလုပ်ငန်းရှင်များမှ မိမိ တို့ ဒေသထွက်ကုန်များဖြစ်သည့် စလေဒေသထွက် “JUMJEL” ဇီးနှင့် မန်ကျည်းဖျော်ရည်၊ ပုန်းရည် ကြီး၊ ပဲကြော်တို့အားလည်းကောင်း၊ အောင်လံဒေသထွက် ဇင်ယော် အမှတ်တံဆိပ်၊ ပဲယို၊ နှမ်းယို၊ နှမ်းနက်ယိုတို့အားလည်းကောင်း၊ မကွေးဒေသထွက် ကောင်းမွန် အမှတ်တံဆိပ် Bakery ပဲယို၊ နှမ်းယိုနှင့် Mo Mo ဒိန်ချဉ်တို့အားလည်းကောင်း၊ မင်းဘူး(စကု)မြို့ ဒေသထွက် အေဝမ်း အမှတ် တံဆိပ် စွမ်းအားမြှင့်မီးဖိုများအားလည်းကောင်း၊ မကွေးဒေသထွက် ကြယ်ဖြူအမှတ်တံဆိပ် ခေါင်းလျှော်ရည်နှင့် ဆပ်ပြာတို့အားလည်းကောင်း၊ Mom အမှတ်တံဆိပ် ဒန့်သလွန်ခေါက်ဆွဲ၊ ဒန့်သလွန်ရွက်ခြောက် အမှုန့်တို့အားလည်းကောင်း၊ ချယ်ရီစံ ရှမ်းရိုးရာ စားသောက်ကုန်လုပ်ငန်းမှ နေကြာစေ့လှော်နှင့် ဆီတို့ဟူးတို့အားလည်းကောင်း၊ ရွှေစင်အမှတ်တံဆိပ် အာလူးကြော်နှင့် မုန့်မျိုးစုံ တို့အားလည်းကောင်း၊ ဝင်း အမှတ်တံဆိပ် သဘာဝခေါင်းလျှော်ရည်၊ ဆပ်ပြာရည်၊ ဆပ်ပြာခဲတို့အား လည်းကောင်း၊ မင်းလှဒေသထွက် မခါနှင့်ညီအစ်မများ သဘာဝဆိုးဆေး၊ လက်ယက်ကန်းလုပ်ငန်းမှ ချည်ထည်နှင့် သဘာဝဆိုးဆေး ပုဝါမျိုးစုံတို့အားလည်းကောင်း၊ Good Right စပျစ်ဝိုင်လုပ်ငန်းမှ စပျစ်ဝိုင်နှင့် ငပိကြော်တို့အားလည်းကောင်း၊ ဇီဝခွန်အား သဘာဝမြေဩဇာလုပ်ငန်းမှ သဘာဝမြေ ဩဇာ၊ သဘာဝပိုးပြေးဆေးတို့အားလည်းကောင်း၊ လောင်စာတောင့်လုပ်ငန်းမှ လောင်စာတောင့် များအားလည်းကောင်း၊ အမေထွားပဲဆီသန့်လုပ်ငန်းမှ ပဲဆီနှင့် နှမ်းဆီတို့အားလည်းကောင်း၊ ငွေ ဇင်ယော်မြေပဲဆီလုပ်ငန်းမှ ပဲဆီသန့်များအားလည်းကောင်း၊ နတ်ရေကန်တောင်ပေါ်ဒေသထွက် စိုက်ပျိုးရေး တန်ဖိုးမြှင့်ထုတ်ကုန်ပြခန်းမှ ကော်ဖီ၊ ဝိုင်၊ လ္ဘက်ခြောက်၊ တိုင်းရင်းသားဝတ်စုံများအား လည်းကောင်း၊ သစ်ရာကောက်ဒေသထွက် မိုးခ ဆိတ်သားခြောက်မီးကင်လုပ်ငန်းမှ ဆိတ်သား ခြောက်မီးကင်များအားလည်းကောင်း၊ နေခြည် အာလူးကြော်လုပ်ငန်းမှ အာလူးကြော်များအား လည်းကောင်း၊ Daily ဒိန်ချဉ်လုပ်ငန်းမှ ဒိန်ချဉ်နှင့်နွားနို့များအားလည်းကောင်း၊ မင်းဘူးမြို့နယ် ပေါက်ကုန်းကျေးရွာထွက် တောင်း၊ ဇကာမျိုးစုံတို့အားလည်းကောင်း၊ မဟူရာစွမ်းအား နှမ်းလှော်မှုန့် လုပ်ငန်းမှ နှမ်းလှော်မှုန့်များအားလည်းကောင်း၊ Beik Thano Thu ဘက်စုံသုံးဆပ်ပြာဆီလုပ်ငန်းမှ တိုင်းရင်းဆေးမျိုးစုံနှင့် ဘက်စုံသုံးဆပ်ပြာဆီများအားလည်းကောင်း၊ ခန့်ခန့် ဆီချက်ခေါက်ဆွဲ လုပ်ငန်းမှ ဆီချက်ခေါက်ဆွဲ၊ မာလာရှမ်းကော၊ မာလာရှူးရှဲတို့အားလည်းကောင်း၊ ရေနံချောင်းမြို့ ဒေသထွက် စမတ် အမှတ်တံဆိပ် ငရုပ်သီးမှုန့်လုပ်ငန်းမှ ငရုပ်သီးမှုန့်မျိုးစုံအားလည်းကောင်း၊ ခိုင်ဇော်ဦး ကြိမ်လက်မှုထည်လုပ်ငန်းမှ ခြင်းလုံး၊ ကလပ်၊ လက်ဆွဲခြင်း၊ တစ်ရှုးဘောက်နှင့် ဦးထုပ်တို့ အားလည်းကောင်း၊ မကွေးမြို့ဒေသထွက် လဝန်းအိမ် ပါပလာလုပ်ငန်းမှ ပါပလာများအား လည်းကောင်း၊ ပခုက္ကူဒေသထွက် Pro – 1 Natural Shampoo လုပ်ငန်းမှ Shampoo နှင့် ဆပ်ပြာ များအားလည်းကောင်း၊ ယောဧကရီ ပိုးထည်၊ ချည်ထည်လုပ်ငန်းမှ ပိုးထည်၊ ချည်ထည်များအားလည်းကောင်း၊ တောင်တွင်းကြီးမြို့ဒေသထွက် ဝါစေ့ဆီနှင့် ဝါထွက်ပစ္စည်းမျိုးစုံအားလည်းကောင်း၊ 9 Colour သွပ်ပြားထုတ်ကုန်လုပ်ငန်းမှ သွပ်ပြားမျိုးစုံတို့အားလည်းကောင်း၊ မောင်မော် ကွမ်းညှပ် နှင့် ကတ်ကြေးလုပ်ငန်းမှ ကတ်ကြေး၊ ကွမ်းညှပ်၊ ဓါး၊ မီးညှပ်၊ တာလဘာ၊ ဆီမီးခွက်နှင့် မုန့် လင်မယားဗန်းတို့အားလည်းကောင်း၊ ပွင့်ဖြူမြို့ ရတနာစိန် ဆန်စက်လုပ်ငန်းမှ ဧရာပဒေသာ ဆန် များအားလည်းကောင်း၊ စိန်ပန်းခိုင် ပျိုးဥယျာဉ်လုပ်ငန်းမှ ပျိုးပင်မျိုးစုံအား လည်းကောင်း၊ ကောင်းသန့် မြေပဲဆီစက်လုပ်ငန်းမှ ပဲဆီသန့်များအား လည်းကောင်း၊ ကောင်းသန့် ဆန်စက် လုပ်ငန်းမှ ကုန်းဇောင်း ဧရာပဒေသာ ဆန်များအားလည်းကောင်း၊ တိုင်းတောင်သူဖွံ့ဖြိုးရေးအဖွဲ့မှ နှမ်း၊ မြေပဲ၊ ပဲတီစိမ်းနှင့် ယာသီးနှံများအားလည်းကောင်း၊ သရက်မြို့ဒေသထွက် ရွှေဟင်္သာ နို့ထွက် ပစ္စည်းလုပ်ငန်းမှ မလိုင်လုံး(အခြောက်)၊ (အခဲ)၊ အိုးမလိုင်တို့အားလည်းကောင်း၊ မင်းခန့် ရှင်မတောင် သနပ်ခါးလုပ်ငန်းမှ သနပ်ခါးမျိုးစုံနှင့် နိဗ္ဗာန်ကုန်တို့အားလည်းကောင်း၊ Ruby Super Bocashi တောင်သူအကျိုးပြု အကောင်းဆုံး သဘာဝမြေဩဇာလုပ်ငန်းမှ မြေဩဇာအမျိုးမျိုးအား လည်းကောင်း၊ ပွင့်ဖြူမြို့မှ ကောင်း & မြတ် ဆန်စက်လုပ်ငန်းမှ ကုန်းဇောင်းဧရာပဒေသာ ဆန်များ အားလည်းကောင်း၊ ဖူးပွင့်ကုမ္ပဏီမှ ပေါ်ဆန်းမွှေးနှင့် ဆန်အနက်တို့အား လည်းကောင်း၊ ပခုက္ကူ ဒေသထွက် ချည်ထည်များ၊ သနပ်ခါး၊ ပုန်းရည်ကြီး၊ ဇီးယို၊ ဇီးဖျော်ရည်တို့အားလည်းကောင်း၊ နတ်မောက်မြို့ဒေသထွက် ဆောင်းအင်ကြင်း အမှတ်တံဆိပ် သဘာဝစပျစ်သီးခြောက်များအား လည်းကောင်း၊ လှယဉ်ကျေးမယ် ယိုစုံလုပ်ငန်းမှ သရက်ယို၊ ဇီးယို၊ သံပုရာယို၊ ရှောက်ချိုမျှင်တို့အား လည်းကောင်း၊ ချိုက်၊ ကွမ်းညှပ်၊ ကတ်ကြေး၊ ဓါးလုပ်ငန်းမှ ကွမ်းညှပ်၊ ကတ်ကြေး၊ ဓါး၊ မီးညှပ်၊ တာလဘာ၊ ဆီမီးခွက်နှင့် မုန့်လင်မယားဗန်းများအားလည်းကောင်း၊ စိုးမိုးအောင် သံသေတ္တာ လုပ်ငန်းမှ သံသေတ္တာနှင့် သံဖြူမျိုးစုံတို့အားလည်းကောင်း၊ မကွေးတိုင်းဒေသကြီး ရေသန့်စက်ရုံများ အသင်းမှ ရေသန့်မျိုးစုံတို့အားလည်းကောင်း၊ သိန်းသီတာ ခေါက်ဆွဲလုပ်ငန်းမှ ဂျုံခေါက်ဆွဲခြောက်၊ ဆန်ခေါက်ဆွဲခြောက်တို့အားလည်းကောင်း၊ ပခုက္ကူဒေသထွက် ဂဠုန်မင်းညီနောင် အထည်လုပ်ငန်း မှ ချည်ထည်၊ စောင်၊ ပုဝါတို့အားလည်းကောင်း၊ ဂျစ်ကားဖိနပ်နှင့် အခြားဖိနပ်မျိုးစုံတို့အားလည်း ကောင်း၊ သက်ဦးစံ ရှင်မတောင် သနပ်ခါးလုပ်ငန်းမှ သနပ်ခါးအမှုန့်၊ အခဲ၊ အတုံးတို့အားလည်း ကောင်း၊ ရွှေလက်ရာ အုန်းသီးခြောက် လက်မှုအနုပညာလုပ်ငန်းမှ အုန်းသီးခြောက် လက်မှုထည် များအားလည်းကောင်း၊ ပခုက္ကူဒေသထွက် ဒန့်ဒလွန်နှင့် လျှော်ဖြူထုတ်ကုန်များအားလည်းကောင်း၊ မကွေးဒိန်ချဉ်လုပ်ငန်းမှ ဒိန်ချဉ်တို့အားလည်းကောင်း၊ ရွှေတိမ်လွှာ၊ ရွှေယာမြေ ပဲဆီသန့်လုပ်ငန်းမှ ပဲဆီသန့်များအားလည်းကောင်း၊ ပန်ထွာလောင်စာတောင့်လုပ်ငန်းမှ လောင်စာတောင့်များအား လည်းကောင်း၊ Tiptop ရွက်ဖျန်းမြေဩဇာလုပ်ငန်းမှ ရွက်ဖျန်းမြေဩဇာများအားလည်းကောင်း၊ ပျား နှင့် ပျားထွက်ပစ္စည်းများ ထုတ်လုပ်ခြင်းလုပ်ငန်းမှ ပျားရည်များအားလည်းကောင်း၊ မေတ္တာရှင် တိုင်းရင်းဆေးဝါးထုတ်လုပ်ခြင်းလုပ်ငန်းမှ တိုင်းရင်းဆေးမျိုးစုံအားလည်းကောင်း၊ မြထည်ဝါ ကြာချည်လုပ်ငန်းမှ ကြာချည်၊ ကြာစေ့၊ ကြာဝတ်ဆံများအားလည်းကောင်း၊ Good Brother မှ လယ်ယာသုံးစက်ကိရိယာများအားလည်းကောင်း ရောင်းချလျှက်ရှိပါသည်။
အဆိုပါဈေးရောင်းပွဲတော်ကို နေ့စဉ် နံနက်(၇)နာရီမှ ည(၈)နာရီထိ ဖွင့်လှစ်ပြသ ရောင်းချ သွားမှာဖြစ်ပြီး ညစဉ် ညနေ(၆)နာရီမှ ည(၈)နာရီအထိ မိဘပြည်သူများ ရယ်မောခြင်းဖြင့် ဘဝ အမောများပြေစေရန် အငြိမ့်ပွဲဖြင့်လည်းကောင်း၊ လူငယ်များအတွက် ခေတ်ပေါ်တီးဝိုင်းနှင့် DJ တို့ဖြင့်လည်းကောင်း ဧည့်ခံဖျော်ဖြေသွားမည်ဖြစ်ကြောင်းနှင့် ဒေသတွင်း ထုတ်ကုန်ပြပွဲနှင့် ဈေး ရောင်းပွဲတော်ကို (၃၁-၁၀-၂၀၂၂)ရက်နေ့မှ (၂-၁၁-၂၀၂၂)ရက်နေ့ထိ မကွေးခရိုင် အားကစားကွင်းအတွင်း စည်ကားသိုက်မြိုက်စွာ ကျင်းပသွားမည်ဖြစ်ပြီးမည်သူမဆို အခမဲ့ ဝင်ရောက်ကြည့်ရှုနိုင်ကြောင်း သိရှိရပါသည်။
ယခုကဲ့သို့ အသေးစား၊ အငယ်စားနှင့် အလတ်စား စီးပွားရေး ထုတ်ကုန်လုပ်ငန်းများပြပွဲနှင့် ဈေးရောင်းပွဲတော်အခမ်းအနားကို ပြုလုပ်ခြင်းအားဖြင့် တိုင်းဒေသကြီးအတွင်းရှိ လုပ်ငန်းရှင်များ အနေဖြင့်လည်း မိမိတို့ထုတ်ကုန်များအတွက် အခွင့်အလမ်းကောင်းများစွာ ရရှိနိုင်မည် ဖြစ်သည့် အပြင် မိဘပြည်သူများအနေဖြင့်လည်း တစ်နေရာထဲ တစ်စုတဝေးဖြင့် ဒေသထွက်ကုန်များကို မိမိ တို့လိုချင်သည့် ကုန်စည်များကို တစ်နေရာထဲရွေးချယ်ဝယ်ယူနိုင်ခြင်း၊ မည်သည့်ဒေသကိုမျှ သွား ရောက်စရာမလိုဘဲ ရွေးချယ်ဝယ်ယူနိုင်ခြင်း၊ ဈေးနှုန်းသက်သာစွာ ဝယ်ယူအားပေးနိုင်ခြင်းစသည့် အကျိုးကျေးဇူးများစွာကို ရရှိနိုင်မည်ဖြစ်ပါသည်။ ထို့အပြင် အသေးစား၊ အငယ်စားနှင့် အလတ်စား စီးပွားရေးလုပ်ငန်းရှင်များအတွက်ရော မိဘပြည်သူများအတွက်ပါ အကျိုးများစေမည့် ဈေးရောင်းပွဲတော် အခမ်းအနားတစ်ခုဖြစ်ပါကြောင်းနှင့် ထိုကဲ့သို့သော ဈေးရောင်းပွဲတော်များကိုလည်း စဉ်ဆက်မပြတ် နှစ်စဉ်ကျင်းပပေးသင့်ပါကြောင်း ရေးသားတင်ပြလိုက်ရပါသည်။
DOCA(မကွေး)