မွန်ပြည်နယ်ကုန်သည်များနှင့်စက်မှုလက်မှုလုပ်ငန်းရှင်များအသင်း ၂၀၂၂-၂၀၂၅ အမှုဆောင် အသစ်ရွေးချယ်တင်မြှောက်ခြင်းအခမ်းအနားကို ၃၀.၁၀.၂၀၂၂ ရက် (၀၉:၀၀) နာရီတွင် မော်လမြိုင်ကုန်စည်ဒိုင်ခန်းမ၌ ကျင်းပပြုလုပ်ခဲ့ရာ အဆိုပါ အခမ်းအနားသို့ မွန်ပြည်နယ် စားသုံးသူရေးရာဦးစီးဌာန၊ ပြည်နယ်ဦးစီးမှူးနှင့်ဝန်ထမ်းများ၊ UMF CCI ဥက္ကဌ၊ မွန်ပြည်နယ် ကုန်သည်များနှင့်စက်မှုလက်မှု လုပ်ငန်းရှင်အသင်းဥက္ကဌနှင့်အသင်းဝင်များ၊ ညီနောင်အသင်းမှ အသင်းဝင်များ စုစုပေါင်း (၄၅)ဦး တက်ရောက်ခဲ့ကြောင်း သိရှိရပါသည်။
အဆိုပါ အခမ်းအနားတွင် မွန်ပြည်နယ်ကုန်သည်များနှင့်စက်မှုလက်မှုလုပ်ငန်းရှင်အသင်း ဥက္ကဌမှ ကြိုဆိုနှုတ်ခွန်းဆက်စကားပြောကြားခဲ့ပြီး အမှုဆောင်သစ် ရွေးချယ်တင်မြှောက်ပွဲ ကြီးကြပ်ရေးကော်မရှင်အဖွဲ့ ဥက္ကဌမှရွေးချယ်တင်မြှောက်ပွဲနှင့် ပတ်သက်၍ရှင်းလင်း ဆွေးနွေး ခဲ့ပါသည်။
ထို့နောက် အမှုဆောင်သစ်များအား မဲစနစ်ဖြင့်ရွေးချယ်ခဲ့ကြရာ ၂၀၂၂-၂၀၂၅ ခုနှစ်သက်တမ်း အတွက် ဗဟိုအလုပ်အမှုဆောင် (၂၅) ဦးအား ရွေးချယ်ကြပါသည်။
ထို့နောက် ၂၀၂၂-၂၀၂၅ ခုနှစ်သက်တမ်းအတွက် တာဝန်ပေးအပ်ခြင်းခံရသော ဥက္ကဌအသစ်မှ နှုတ်ခွန်းဆက်စကားပြောကြားခဲ့ပြီး စုပေါင်းမှတ်တမ်းဓာတ်ပုံရိုက်ကူးခဲ့ကြပြီး အခမ်းအနားအား နေ့လယ် (၁၂:၃၀) နာရီတွင် ရုပ်သိမ်းခဲ့ကြကြောင်း သိရှိရပါသည်။
DOCA (မွန်)