မွန်ပြည်နယ်၊ စားသုံးသူရေးရာဦးစီးဌာန၊ ပြည်နယ်ဦးစီးမှူးရုံးမှ ဝန်ထမ်းများသည် ပြည်နယ်အစားအသောက်နှင့်ဆေးဝါကွပ်ကဲရေးဦးစီးဌာန၊ မြို့နယ်စည်ပင်သာယာရေးအဖွဲ့တို့နှင့် ပူးပေါင်း၍ ၃.၁၁.၂၀၂၂ ရက်နေ့တွင် မြိုင်ရတနာ (၂) ထပ်ဈေး၌ Mistine အလှကုန်ပစ္စည်းများကို တုပ၍ တရားမဝင်ဖြန့်ဖြူးရောင်းချခြင်း ရှိ/မရှိ ဈေးကွက်စောင့်ကြည့်စစ်ဆေးခြင်း ဆောင်ရွက်ခဲ့ကြောင်း သိရှိရသည်။
ထိုသို့ ဈေးကွက်စောင့်ကြည့်စစ်ဆေးရာတွင် ဈေးအတွင်းရောင်းချလျက်ရှိသော Mistine အလှကုန်ပစ္စည်းများတွင် Hologram (ရောင်ပြန်) စတစ်ကာပါရှိခြင်း ရှိ/မရှိ၊ မြန်မာစာကပ်နှိပ်ထားခြင်း ရှိ/မရှိ စစ်ဆေးခဲ့ရာ အဆိုပါ Mistine အလှကုန်ပစ္စည်းများတွင် Hologram (ရောင်ပြန်) စတစ်ကာပါရှိပြီး၊ မြန်မာစာကပ်နှိပ်ထားသည်ကို စစ်ဆေးတွေ့ရှိရကြောင်း သိရှိရပါသည်။
DOCA (မွန်)