ရခိုင်ပြည်နယ် စားသုံးသူရေးရာဦးစီးဌာန သံတွဲခရိုင်ဦးစီးမှူး၊ ဦးဝင်းနိုင်(ဦးစီးအရာရှိ)နှင့် ဝန်ထမ်းများသည် (၁၀-၁၁-၂၀၂၂)ရက်နေ့ နေ့လယ် (၁၀:၃၀)နာရီအချိန်တွင် သံတွဲမြို့၊ကြိမ်ချောင်း ကျေးရွာ အခြေခံပညာမူလတန်းကျောင်းသို့သွားရောက်၍ အများပြည်သူဘေးအန္တရာယ်မဖြစ်ပေါ် စေရေးအတွက် စားသုံးသူကာကွယ်ရေးအသိပညာပေး ဟောပြောခဲ့ပါသည်။
အဆိုပါဟောပြောပွဲတွင် သံတွဲမြို့၊ ကြိမ်ချောင်းကျေးရွာ အခြေခံပညာမူလတန်းကျောင်းမှ ကျောင်းအုပ်ဆရာမကြီးက အဖွင့်အမှာစကားပြောကြားပြီး သံတွဲခရိုင်ဦးစီးမှူး၊ ဦးဝင်းနိုင် (ဦးစီးအရာရှိ)မှ စားသုံးသူကာကွယ်ရေးဆိုင်ရာအကြောင်းအရာများနှင့်စပ်လျဉ်း၍ ရှင်းလင်းပြောကြားပြီး ဆက်လက်၍ သံတွဲခရိုင်ရုံး၊ စားသုံးသူရေးရာဦးစီးဌာနမှ ဒေါ်ခင်ပြည့်စုံ (အငယ်တန်းစာရေး) မှ အစားအသောက်များအား ဘေးအန္တရာယ်ကင်းရှင်းစွာ ရွေးချယ်ဝယ်ယူသုံးစွဲတတ်စေရေးနှင့် ကုန်ပစ္စည်းများပေါ်တွင် ကုန်အညွှန်းအမှတ်အသား ဖော်ပြပါရှိမှုအား ပြည့်စုံစွာ ပါဝင်မှုရှိ/မရှိ သေချာစွာ လေ့လာဖတ်ရှုပြီးမှ ဝယ်ယူသုံးစွဲသင့်ကြောင်း အကျယ်တဝင့် အသိပညာပေးရှင်းလင်း ပြောကြားခဲ့ကြောင်း သတင်းရရှိပါသည်။
DOCA(ရခိုင်)