မွန်ပြည်နယ်၊ စားသုံးသူရေးရာဦးစီးဌာန၊ ပြည်နယ်ဦးစီးမှူးရုံးမှ ဝန်ထမ်းများသည် ၉.၁၁.၂၀၂၂ ရက်နေ့တွင် မော်လမြိုင်မြို့၊ ခေတ်ဦးရိုးရာအဝတ်အထည်ထုတ်လုပ်သည့် လုပ်ငန်းရှင်နှင့်တွေ့ဆုံ ဆွေးနွေးခဲ့ပါသည်။
ထိုသို့ တွေ့ဆုံဆွေးနွေးရာတွင် လုပ်ငန်းရှင်အား စားသုံးသူကာကွယ်ရေးဥပဒေပါ စီးပွားရေး လုပ်ငန်းရှင်၏ တာဝန်များအား ရှင်းလင်းဆွေးနွေးခြင်း၊ ကုန်စည်နှင့်ပတ်သက်၍ အာမခံချက်ပေးရာတွင် စားသုံးသူကလက်ခံသုံးစွဲနိုင်သော အရည်အသွေးရှိရန်၊ နမူနာပစ္စည်းတွင်ဖော်ပြထားသည့်အတိုင်း အရည်အသွေးမှန်ကန်ရန်၊ ကြော်ငြာ၊ ကမ်းလှမ်းချက် သို့မဟုတ် အရောင်းမြှင့်တင်ခြင်းတွင်ပါဝင်သော ဖော်ပြချက်နှင့်ကိုက်ညီမှုရှိရန် စသည့်အချက်များအား ရှင်းလင်းဆွေးနွေးခဲ့ပါသည်။
ထို့ပြင် ကုန်ကြမ်းဝယ်ယူမှုအခြေအနေ၊ ကုန်ချောထုတ်လုပ်မှုအခြေအနေ၊ လုပ်အားအရေအတွက်၊ ဖြန့်ဖြူးမှုအခြေအနေများအား မေးမြန်းဆွေးနွေးခဲ့ကြောင်း သိရှိရပါသည်။
DOCA(မွန်)