ပဲခူးတိုင်းဒေသကြီး၊ ပေါင်းတည်မြို့နယ်နေ တိုင်ကြားသူ တစ်ဦးသည် Online Shop တစ်ခုထံမှ ဆိုလာစလိုက်(350W) ၃လုံးကို ပစ္စည်းရောက်ငွေချေစနစ်ဖြင့် ဝယ်ယူခဲ့ရာ ပစ္စည်းပို့ပေး ရောက် ရှိလာသည့်အချိန်တွင် ဆိုလာစလိုက် 350 W အစား 50 W ကိုပေးပို့လာသည့်အတွက် စားသုံးသူရေးရာဦးစီးဌာနသို့ စာဖြင့် ပေးပို့ တိုင်ကြားလာပါသည်။
ဖြေရှင်းဆောင်ရွက်မှုအခြေအနေ။ တိုင်ကြားမှုနှင့်ပတ်သက်၍ ဌာနမှတာဝန်ရှိသူများက Online Shop အကောင့်ပိုင်ရှင်ထံ ဆက်သွယ်၍ ညှိနှိုင်းဆောင်ရွက်ပေးခဲ့ရာ ဝယ်ယူသူထံသို့ ပစ္စည်းမှားပို့ခဲ့ သည့် ဆိုလာဆလိုက်(50 W)အစား (1500 W)ရှိ ဆိုလာဆလိုက်ကို အစားထိုး ပြန်လည် ပေးပို့ခဲ့သဖြင့် တိုင်ကြားသူမှကျေနပ်မှုရှိပါသောကြောင့် တိုင်ကြားမှုကို စားသုံးသူကာကွယ်ရေးဥပဒေအရ စေ့စပ် ညှိနှိုင်းပေးသဖြင့် အစားထိုးပြန်လည်ပေးအပ်ခြင်းဖြင့် ဖြေရှင်းဆောင်ရွက်ခဲ့ပါသည်။