တောင်ငူမြို့၏ ကုန်စိမ်းဈေးဖြစ်သည့် ညောင်ပင်လေးဈေးသို့ မြို့၏အနီးတဝိုက်ကျေးရွာများ ဖြစ်သော ရှမ်းဝတီး၊ ဗမာဝတီး ၊ ဒိုးသောင် ၊ ဇီးဖြူသောင် နှင့် အခြားကျေးရွာများမှ ထွက်ရှိသော ဆောင်းသီးနှံ တစ်မျိုးဖြစ်သည့် ပြောင်းဖူးများ ရောင်းချလျက်ရှိနေသည်။
ပြောင်းဖူးကို ပြုတ်စားခြင်း၊ ကြော်စားခြင်း၊ မီးကင်၍သော်လည်းကောင်း နှစ်သက်ရာ စားသုံးနိုင်သည့်အပြင် ယနေ့ခေတ် လူငယ်များကြိုက်နှစ်သက်သော အစားအစာဖြစ်သည့် မာလာ ရှမ်းကော ပြုလုပ်ရာတွင်လည်း ပြောင်းဖူးကိုအသုံးပြုလာကြသည်။ ပြောင်းဖူးသည် လူမျိုးဘာသာ မရွေးစားသုံးကြသည့် သီးနှံတစ်မျိုးဖြစ်ပါသည်။
ပြောင်းဖူးတွင် အဖြူ နှင့် အဝါ နှစ်မျိုးရှိပြီး အဖူးအရွယ်အစားအလိုက် ဈေးနှုန်းကွာလျှက်ရှိရာ ပြောင်းဖူး အဖြူ အကြီး ၁ ဖူးလျှင် ၇၅၀ ကျပ် ၊ ၁၀ ဖူး ၇၀၀၀ ကျပ် ၊ အသေး ၁ ဖူးလျှင် ၆၀၀ ကျပ် ၊ ၁၀ ဖူးကို ၅၅၀၀ ကျပ်ဖြင့် ရောင်းချလျက်ရှိပြီး၊ ပြောင်းဖူး အဝါ အကြီး ၁ ဖူး လျှင် ၈၀၀ ကျပ် ၊ ၁၀ ဖူး ၇၅၀၀ ကျပ် ၊ အသေး ၁ ဖူး ၇၅၀ ကျပ်၊ ၁၀ ဖူး ၇၀၀၀ ကျပ်ဖြင့် ဈေးနှုန်းအသီးသီးရှိရာ အဖူး ၁၀၀ နှင့်အထက်ဝယ်ယူပါက ဈေးနှုန်းအပြောင်းအလဲရှိနိုင်ပြီး၊ နေပြည်တော်၊ လယ်ဝေး နှင့် ပျဉ်းမနား ဘက်မှ ပြောင်းဖူးများ ပေါ်ပါက ဈေးနှုန်း လျော့သွားနိုင်ကြောင်း ရောင်းချသည့်ဈေးသည်များထံမှ မေးမြန်းသိရှိရပါသည်။
DOCA(ပဲခူး)