စားသုံးသူရေးရာဦးစီးဌာန၊ မကွေးတိုင်းဒေသကြီး၊ ချောက်ခရိုင်၊ ချောက်မြို့နယ်အနေဖြင့် စားသုံးသူကာကွယ်ရေးလုပ်ငန်းများကို အရှိန်အဟုန်မြှင့်တင် ဆောင်ရွက်လျက်ရှိရာ ကလေးငယ်များ၏ ဘေးအန္တရာယ်ကင်းရှင်းရေးနှင့် ကျန်းမာရေးအတွက် အရေးပါသော အသင့်စားမုန့်များ ဈေးကွက် စောင့်ကြည့်စစ်ဆေးခြင်းလုပ်ငန်းများကို ချောက်မြို့ပေါ်ရှိ ကုန်စုံဆိုင်များနှင့် စတိုးဆိုင်များတွင် ဆောင်ရွက်လျက်ရှိကြောင်း သိရသည်။
စားသုံးသူရေးရာဦးစီးဌာန၊ ချောက်မြို့နယ်တာဝန်ခံ ဒေါ်မြတ်မြတ်မိုးသည် သက်ဆိုင်ရာဌာန ဆိုင်ရာအဖွဲ့အစည်းများနှင့်ပူးပေါင်း၍ ဈေးကွက်အတွင်းရောင်းချနေသော အသင့်စားမုန့်အမျိုးမျိုးနှင့် အခြားပစ္စည်းအမျိုးမျိုးတို့ကို (၅.၁၂.၂၀၂၅)ရက်နေ့၊ နံနက်(၁၀:၀၀)နာရီအချန်တွင် ကုန်စုံဆိုင်များ အားအဓိကထား၍ ကွင်းဆင်းစစ်ဆေးခဲ့ပါသည်။
ထိုသို့ကွင်းဆင်းစစ်ဆေးရာတွင် ကုန်အညွှန်အမှတ်အသား ပြည့်စုံမှုရှိ/မရှိ၊ စားသုံးသူကာ ကွယ်ရေးဥပဒေ (၂၀၁၉)နှင့် မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉)တို့နှင့်အညီ ကုန်စည်၏ အမျိုးအမည်၊ အရွယ်အစား၊ အရေအတွက်၊ သုံးစွဲပုံနည်းလမ်း၊ ထားသိုသိမ်းဆည်းမှုအညွှန်း၊ ထုတ်လုပ်သည့်ရက်စွဲနှင့် သက်တမ်းကုန်ဆုံးသည့်ရက်စွဲအပါအဝင် လိုအပ် သောအချက်အလက်များကို မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတွဲလျက် ဖြစ်စေ ပြည်စုံစွာဖော်ပြထားခြင်းရှိ/မရှိကို အသေးစိတ်စစ်ဆေးခဲ့သည်။ အထူးသဖြင့် ကလေးငယ်များ ဘေးအန္တယ်ရာယ်ဖြစ်စေနိုင်သော ဓာတုပစ္စည်းများပါဝင်မှု သို့မဟုတ် မလုံခြုံသော ထုတ်လုပ်မှုများရှိ/ မရှိကိုပါ ကြီးကြပ်စစ်ဆေးခဲ့သည်။ ကွင်းဆင်းစစ်ဆေးမှုများပြုလုပ်ရာတွင် လုပ်ငန်းရှင်များအား စားသုံး သူကာကွယ်ရေးဥပဒေပါ ပြဌာန်းချက်များ၊ အထူးသဖြင့် ကုန်အညွှန်းအမှတ်အသားပြည့် စုံစွာဖော်ပြရန် လိုအပ်ချက်များနှင့် စီးပွားရေးလုပ်ငန်းရှင်၏ တာဝန်များအကြောင်းကို ရှင်းလင်းဆွေးနွေးခဲ့သည်။ စည်း ကမ်းနှင့်မကိုက်ညီသော ကုန်ပစ္စည်းများကို ရောင်းချဖြန့်ဖြူးခြင်းမပြုလုပ်ရန်နှင့် စားသုံးသူများ ဘေးအန္တရာယ်ကင်းရှင်းရေးကို အလေးထားဆောင်ရွက်ရန် တိုက်တွန်းခဲ့ကြောင်းသိရှိရပါသည်။
DOCA(မကွေး)