မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့နယ်၊ မြေနုကျွန်းကျေးရွာသည် စိုက်ပျိုး ရေးကို အဓိကလုပ်ကိုင်ပြီး ကုလားပဲ၊ နေကြာ၊ ဝါ၊ မြေပဲ၊ ပဲထောပတ်နှင့် စားဖိုချောင်သုံး သီးနှံများကို ရာသီအလိုက်စိုက်ပျိုးလျက်ရှိရာ ဆောင်းသီးနှံတစ်မျိုးဖြစ်သည့် ကုလားပဲကို ၂၀၂၅ခုနှစ်၊ ဒီဇင်ဘာလ (ပထမပတ်)မှစတင်၍ တောင်သူ(၇၀)ဦးမှ စိုက်ဧက(၂၀၀)ခန့်စိုက်ပျိုးလျက်ရှိကြောင်း သိရသည်။
မြေနုကျွန်းကျေးရွာနေ တောင်သူတစ်ဦးက ၎င်းအနေဖြင့် ဆောင်းကုလားပဲကို (၁)ဧကခန့် စိုက်ပျိုးထားကြောင်း၊ မျိုးအနေဖြင့် မြကြေးမျိုးကို စိုက်ပျိုးခြင်းဖြစ်ပြီး ယခင်နှစ်ကစိုက်ခင်းမှ စိုက်ပျိုး ထွက်ရှိသည့် ကုလားပဲစေ့များကို မျိုးအဖြစ်ဖယ်ချန်၍ စိုက်ပျိုးခြင်းဖြစ်ကြောင်း၊ (၁)ဧကလျှင် မျိုး (၂)တင်းခန့်ကုန်ကျပြီး ကြဲပက်စနစ်ဖြင့် စိုက်ပျိုးခြင်းဖြစ်ကြောင်း၊ စိုက်ပျိုးပြီး(၂)လခွဲခန့်အကြာ တွင် ရိတ်သိမ်းရကြောင်း၊ စိုက်ပျိုးကုန်ကျစရိတ်အနေဖြင့် လုပ်အားခ၊ မြေပြုပြင်ခနှင့် အခြားသွင်းအားစု စရိတ်အပါအဝင် စုစပေါင်း ကျပ်(၄)သိန်းခန့်ကုန်ကျကြောင်း၊ ယခင်နှစ်က ကုန်ကျစရိတ် အနေဖြင့် စိုက်ပျိုးခနှင့် ရိတ်သိမ်းခအပါအဝင် စုစုပေါင်း ကျပ်(၇)သိန်းခန့် ကုန်ကျကြောင်း၊ အထွက်နှုန်းအနေဖြင့် (၁)ဧကလျှင် (၂၀)တင်းထိထွက်ရှိပြီး (၁)တင်းလျှင် ကျပ်(၁)သိန်းခန့်ရရှိကာ အကျိုး အမြတ်အနေဖြင့် ကျပ်(၁၃)သိန်းခန့်ရရှိကြောင်း၊ ဈေးကွက်အနေဖြင့် မင်းလှမြို့နှင့် မင်းဘူးမြို့ရှိ ပွဲရုံများသို့ တင်ပို့ရောင်းချခဲ့ကြောင်း သိရှိရသည်။
DOCA(မကွေး)