ဆောင်းရာသီကာလတွင် ရာသီဥတုအေးချမ်းသလို ဒေသထွက်ရာသီစာများလဲ ပေါပေါများ များထွက်ရှိသောကာလဖြစ်သည်။ ယခုလို ချမ်းအေးနေချိန်တွင်နေအိမ်များ၌ ရာသီစာ ပိန်းဥ၊ ကန်စွန်းဥ၊ ထန်းပင်မြစ်၊ပဲမြစ်များကို ပြုတ်၍ ဆီ၊ဆားများဖြင့်သုံးဆောင်ကြသည့် ချစ်စရာ ကျေးရွာ ဓလေ့တစ်ခုဖြစ်ပါသည်။
ရာသီစာပိန်းဥများ ကို နိုဝင်ဘာလ ပထမပတ်မှစ၍ ရှမ်းပြည်နယ်တောင်ပိုင်း (ကလော၊ တောင်ကြီး၊ အောင်ပန်း) ဒေသများမှ ဝင်ရောက်လျှက်ရှိပြီး စားသုံးသူများမှ ကြိုက်နှစ်သက်သည့် အတွက် အရောင်းအဝယ်သွက်လျှက်ရှိပါသည်။ပိန်းဥဈေးနှုန်းမှာ (၂၅)ကျပ်သားလျှင် (၈၀၀)ကျပ်၊ (၅၀)သားလျှင် (၁၅၀၀)ကျပ်နှုန်းနှင့် ပိဿာလုံးဈေး (၃၀၀၀)ကျပ်ဖြင့် အရောင်းအဝယ်ဖြစ်လျှက်ရှိ ပါသည်။
DOCA(မန္တလေး)