ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်၊ ပန်းတနော်မြို့နယ်ဦးစီးမှူးရုံးမှ ဦးခိုင်လွမ်းမိုးနှင့် ဝန်ထမ်းများသည် (၁၂.၁၁.၂၀၂၂) ရက်နေ့ (၁၀:၀၀)နာရီအချိန်တွင် ပန်းတနော် ရန်ကုန်-ပုသိမ်ကားလမ်းမဘေး မြို့ကွက်သစ်ရပ်ကွက် ယူကေစိန် သင်ဖြူး/သင်ဖျာရောင်းဝယ်ရေး လုပ်ငန်းအား ထုတ်ကုန်လုံခြုံစိတ်ချရမှု ရှိစေရေးကွင်းဆင်း ဆောင်ရွက်ခဲ့ပါသည်။
ထိုသို့ကွင်းဆင်းစစ်ဆေးရာတွင် ပန်းတနော်မြို့နယ်ဦးစီးမှူးရုံးမှ ဦးခိုင်လွမ်းမိုးက စားသုံးသူရေးရာဦးစီးဌာန၏ (၂၀၁၉) စားသုံးသူကာကွယ်ရေးဥပဒေပါ စားသုံးသူတို့၏ အခွင့်အရေးများအကြောင်းနှင့် စီးပွားရေးလုပ်ငန်းရှင်တို့၏ လိုက်နာရမည့်တာဝန်များ အကြောင်းကို ရှင်းလင်းဆွေးနွေးပြီး သင်ဖြူး၊ သင်ဖျာရောင်းဝယ်ရေးအရောင်းဆိုင်မှ ရောင်းချနေသော အဆင့်မြင့်ကြိမ်ထည်၊ ဗေဒါ၊ ပရိဘောဂနှင့် မြန်မာ့ရိုးရာလက်မှုပစ္စည်းများ ရောင်းဝယ်ဖြန့်ဖြူးမှုအခြေအနေများကို မေးမြန်းခဲ့ပြီး ကုန်စည်(သို့) ဝန်ဆောင်မှုအပေါ် စားသုံးသူမှ အသုံးပြုမှုကြောင့် နစ်နာဆုံးရှုံးမှု ဖြစ်ပေါ်လာပါက တာဝန်ရှိမှုအချက်အလက်များအကြောင်း၊ ကုန်စည်/ဝန်ဆောင်မှုကို ဝယ်ယူအသုံးပြုခြင်းကြောင့် အာမခံ ပေးထားသည့် ကာလအတွင်း အာမခံချက်နှင့်အညီ ဆောင်ရွက်မှုအပေါ် စားသုံးသူ ကာကွယ်ရေးဥပဒေ ပုဒ်မ၃၇၊ ၃၈နှင့် ၃၉တို့အရ နစ်နာဆုံးရှုံးမှုအတွက် စီးပွားရေးလုပ်ငန်းရှင် နှစ်ဦး သို့မဟုတ် နှစ်ဦးထက်ပိုသော ပုဂ္ဂလိုလ်များတွင် တာဝန်ရှိပါက ပူးတွဲ၍ဖြစ်စေ၊ တစ်ဦးချင်း ဖြစ်စေ တာဝန်ဆောင်ရွက်ပေး ရမည်ဖြစ်ကြေင်းကို အသိပညာပေး ရှင်းလင်းဆွေးနွေးခဲ့ကြောင်း သိရှိရပါသည်။
DOCA(ဧရာဝတီ)