ဘဏ္ဍာနှစ် ၂၀၂၅-၂၀၂၆ ခုနှစ်အတွင်း အိန္ဒိယနိုင်ငံ၏ ဓာတ်မြေဩဇာတင်သွင်းမှုသည် တန်ချိန် ၂၂.၃ သန်းတန်ခန့် ရောက်ရှိနိုင်ပြီး ၄၁ ရာခိုင်နှုန်းမြင့်တက်လာနိုင်ကြောင်းနှင့် အဆိုပါ မြင့်တက်မှုသည် မုတ်သုံမိုးကောင်းပြီးနောက် ပြည်တွင်းဝယ်လိုအားများ မြင့်တက်လာခြင်းကြောင့် ဖြစ်ကြောင့် အိန္ဒိယနိုင်ငံ၏ ဓာတ်မြေဩဇာအဖွဲ့အစည်း (FAI) မှ ဒီဇင်ဘာလ ၉ ရက်နေ့တွင် ထုတ်ပြန်ကြေညာခဲ့ပါသည်။ ကမ္ဘာ့ဒုတိယအများဆုံး ဓာတ်မြေဩဇာအသုံးပြုလျက်ရှိသည့် နိုင်ငံဖြစ်သော အိန္ဒိယနိုင်ငံသည် ဧပြီလမှ အောက်တိုဘာလအတွင်းတွင် တန်ချိန် ၁၄.၄၅သန်းတန်ခန့် တင်သွင်းခဲ့ပြီး ၂၀၂၅ ခုနှစ် အစောပိုင်းကာလတွင် တင်သွင်းခဲ့သော တန်ချိန် ၈.၅၆ သန်းတန်ခန့် ၆၉ ရာခိုင်နှုန်းမြင့်တက်လာကြောင်း သိရပါသည်။ နိုဝင်ဘာလအကုန်တွင် သိုလှောင်ထားသော ဓာတ်မြေဩဇာတန်ချိန် ၁၀.၂ သန်းတန်ခန့်ရှိနေကြောင်းနှင့် အဆိုပါဓာတ်မြေဩဇာများတွင် ပုလဲတန်ချိန် ၅ သန်းတန်၊ DAP တန်ချိန် ၁.၇ သန်းတန်၊ NPK တန်ချိန် ၃.၅ သန်းတန်ခန့်ပါဝင်ကြောင်း သိရပါသည်။ ဧပြီလမှ အောက်တိုဘာလအတွင်း ပြည်တွင်းဓာတ်မြေဩဇာထုတ်လုပ်မှုသည် ၂၉.၇၅ သန်းတန်မှ ၂၉.၉၇ သန်းခန့်သာ အနည်းငယ်မျှမြင့်တက်လာကြောင်း FAI ၏ ပြောကြားချက်အရ သိရပါသည်။ အဆိုပါထုတ်လုပ်မှုတွင် ပုလဲတန်ချိန် ၁၇.၁၃သန်းတန်၊ DAP တန်ချိန် ၂.၃၂ သန်းတန်၊ NPK ဓာတ်မြေဩဇာ တန်ချိန် ၇.၀၄ သန်းတန်ခန့်နှင့် SSP တန်ချိန် ၃.၄၈ သန်းတန်ခန့်ပါဝင်ကြောင်း သိရပါသည်။ အိန္ဒိယနိုင်ငံသည် လယ်ယာလုပ်ငန်းဖြင့် အသက်မွေးဝမ်းကျောင်းပြုနေသော အိမ်ထောင်စု ၁၄၀ သန်းအတွက် ထောက်ပံ့မှုများပြုလုပ်လျက်ရှိပြီး အဆိုပါအိမ်ထောင်စုများအတွက် ဓာတ်မြေဩဇာ တန်ချိန် ၇၀ သန်းတန်ခန့်အား ထောက်ပံ့လျက်ရှိကြောင်းနှင့် ထောက်ပံ့ကြေးငွေ Rs ၁.၉သိန်းကုဍေခန့်ပေးအပ်ကြောင်း သိရပါသည်။ ထို့အပြင် အိန္ဒိယနိုင်ငံသည် သဘာဝအရင်းအမြစ်ပေါကြွယ်ဝသော နိုင်ငံများဖြစ်သော Saudi Arabia၊ Jordan၊ Morocco၊ Qatar နှင့် ရုရှားနိုင်ငံများနှင့် ထောက်ပို့မှုလုံခြုံရေးအားကောင်းလာစေရန်အတွက် ပူးပေါင်းဆောင်ရွက်မှုများပြုလုပ်သွားမည် ဖြစ်ကြောင်း FAI ၏ ပြောကြားချက်အရ သိရှိရပါသည်။
Source: The Economic Times
DOCA (ရန်ကုန်)