အင်ဒိုနီးရှားနိုင်ငံသည် ပြည်တွင်းဆန်ထုတ်လုပ်မှုများလုံလောက်မှုကြောင့် ၂၀၂၆ ခုနှစ်တွင် ဆန်တင်သွင်းမှုများကို စားသုံးခြင်းအတွက်သော်လည်းကောင်း၊ စက်ရုံသုံးအတွက် သော်လည်းကောင်း တင်သွင်းမှုများ ရပ်ဆိုင်းသွားမည်ဖြစ်ကြောင်း အစိုးရဌာနများမှ ထုတ်ပြန်သော ထုတ်ပြန်ချက်များအရ သိရပါသည်။ အဆိုပါဆုံးဖြတ်ချက်ကို အစားအသောက်လုံခြုံရေးဝန်ကြီးဌာန၊ ကုန်သွယ်ရေးဝန်ကြီးဌာန၊ ဗဟိုစာရင်းအင်း အေဂျင်စီ များမှ ထိပ်သီးခေါင်းဆောင်များ တက်ရောက် ခဲ့သော ဝန်ကြီးများအဆင့် ညှိနှိုင်းအစည်းအဝေး ကျင်းပပြုလုပ်မှုအပြီးတွင် ထွက်ပေါ်လာခြင်းဖြစ်ကြောင်း သိရပါသည်။ ကုန်သွယ်ရေးဝန်ကြီးဌာနမှ ဒုတိယဝန်ကြီးဆိုသူ Tatang Yuliono က အင်ဒိုနီးရှားနိုင်ငံရှိ အိမ်ထောင်စုများအတွက် စားသုံးရန်နှင့် စက်ရုံသုံးအတွက်လိုအပ်သော ဆန်များကို ပြည်တွင်းထုတ်လုပ်မှုများဖြင့် လုံလောက်လျက်ရှိကြောင်း ပြောကြားခဲ့ပါသည်။ အင်ဒိုနီးရှားနိုင်ငံ အစိုးရသည် စက်မှုလုပ်ငန်းဝန်ကြီးဌာနမှ တောင်းဆိုထားသော ၂၀၂၆ ခုနှစ်တွင် ဆန်တန်ချိန် ၃၈၁၀၀၀ တန်တင်သွင်းခွင့်အား ပယ်ဖျက်လိုက်ကြောင်းနှင့် ၎င်းသည် ပြည်တွင်း ထောက်ပို့မှု များက လုံလောက်ခြင်းကြောင့်ဖြစ်ကြောင်း သိရပါသည်။ အင်ဒိုနီးရှားနိုင်ငံသည် တင်သွင်းမှုပိတ်ပင်ခြင်းမူဝါဒကို နိုင်ငံတစ်ဝှမ်းကျင့်သုံးသွားမည်ဖြစ်ကြောင်း သိရပါသည်။ အစိုးရဌာနများမှ ထုတ်ပြန်သော ထုတ်ပြန်ချက်များအရ ၂၀၂၅ ခုနှစ်တွင် အင်ဒိုနီးရှားနိုင်ငံသည် ဆန်ထုတ်လုပ်မှုတန်ချိန် ၃၄.၇၇ သန်းတန်ခန့်ရောက်ရှိခဲ့ပြီး ယခင်နှစ်ထက် ၁၃.၅၄ ရာခိုင်နှုန်း မြင့်တက်ခဲ့ကြောင်းနှင့် ၎င်းသည်သမ္မတ Prabowo Subianto အစိုးရ၏ လယ်သမားများအပေါ် ထောက်ပံ့ခြင်းမူဝါဒနှင့် ရာသီဥတုကောင်းမွန်မှုတို့ကြောင့်ဖြစ်ကြောင်း သိရပါသည်။ အင်ဒိုနီးရှားနိုင်ငံအစိုးရသည် ပြောင်းထုတ်လုပ်မှုကို တန်ချိန် ၄ သန်းတန်ခန့်ရောက်ရှိရန်မျှော်မှန်းခဲ့ပြီး ပြည်တွင်းစားသုံးခြင်းနှင့် စက်ရုံသုံးကဏ္ဍအတွက် လုံလောက်ရန်မျှော်မှန်းကြောင်း သိရပါသည်။
Source: Vnexpress
DOCA (ရန်ကုန်)