တနင်္သာရီတိုင်းဒေသကြီး၊ မြိတ်ခရိုင်စားသုံးသူရေးရာဦးစီးဌာနသည် စားသုံးသူများဘေး အန္တရာယ်ကင်းရှင်းစေရေး ထုတ်ကုန်လုံခြုံစိတ်ချရမှုရှိစေရန် ကွင်းဆင်းစစ်ဆေးခြင်းနှင့်လုပ်ငန်းရှင် များနှင့်တွေ့ဆုံပြီးဆောင်ရွက်လျက်ရှိရာ ၂၀၂၆ခုနှစ်၊ ဇန်နဝါရီလ(၇)ရက်နေ့တွင် အမှတ်(၂၂၁)၊ ရုံးလမ်း၊ စျေးတန်းရပ်နေ ရွှေပြည်ထွန်းလုပ်ငန်းရှင်သည် မြိတ်မြို့၊ ကမ်းနားလမ်းရှိ စားသုံးသူ ရေးရာဦးစီးဌာနတွင် တာဝန်ရှိသူနှင့်တွေ့ဆုံပြီး ကုန်အညွှန်းအမှတ်သားပြည့်စုံစွာပါရှိနိုင်ရေး ဆွေးနွေးခဲ့ကြကြောင်းသိရှိရပါသည်။
မြိတ်ခရိုင်စားသုံးသူရေးရာဦးစီးဌာန၊ ခရိုင်ဦးစီးမှူးနှင့် တွေ့ဆုံဆွေးနွေးရာတွင် ထုတ်ကုန် တစ်ခုထုတ်လုပ်မည်ဆိုပါက စားသုံးရန်/သုံးစွဲရန်ထောက်ခံချက် အရင်ပြုလုပ်သင့်ကြောင်းနှင့် ထုတ်ကုန်များအား မြန်မာဘာသာဖြင့် ကုန်အညွှန်းအမှတ်အသား (အမျိုးအမည်၊ အရွယ်အစား၊ အသားတင်ပမာဏ၊ ထားသိုသိမ်းဆည်းပုံအညွှန်း၊ ဓါတ်မတည့်ကြောင်းဖော်ပြချက်၊ ကြိုတင်သတိ ပေးချက်များ၊ ပါဝင်ပစ္စည်း စသည်တို့ကို)ပြည့်စုံစွာဖော်ပြထားရမည်ဖြစ်ကြောင်း၊ အချက်အလက် အသေးစိတ်ကို ဆွေးနွေးပြောကြားခဲ့ပြီး စီးပွားရေးလုပ်ငန်းရှင်များလိုက်နာဆောင်ရွက်ရမည့်အချက် များအား တွေ့ဆုံဆွေးနွေးခဲ့ကြောင်း သိရှိရပါသည်။
DOCA(တနင်္သာရီ)