စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏ လမ်းညွှန်မှုဖြင့် တိုင်းဒေသကြီးဦးစီးမှူးရုံးမှ စားသုံးသူရေးရာဌာနခွဲနှင့် ထုတ်ကုန်လုံခြုံစိတ်ချရမှုဌာနခွဲမှ ဝန်ထမ်းများသည် စင်ကာပူအစားအသောက် အေဂျင်စီက အဆိပ်အတောက်ပါဝင်နိုင်ခြေရှိသော ကြောင့် Nestle အမှတ်တံဆိပ်ကလေးဖြည့်စွက်စာရောင်းချမှုကို ရပ်နားထားရန် ကြိုတင်ကာကွယ်မှု တစ်ခုအနေဖြင့် စုံစမ်းစစ်ဆေးမှုများ ပြုလုပ်နေသည့်ကာလအတွင်း အဆိပ်အတောက်ပါဝင်နိုင်ခြေရှိသော Nestle အမှတ်တံဆိပ်ကလေးဖြည့်စွက်စာ အမျိုးအစား(၅)ခုအား ရောင်းချခြင်း ရှိ/မရှိ အစားအသောက်နှင့် ဆေးဝါးကွပ်ကဲရေးဦးစီးဌာန၊ မြို့နယ်ကျန်းမာရေးဦးစီးဌာန၊ မြို့နယ်စည်ပင်သာယာရေးအဖွဲ့တို့နှင့် ပူးပေါင်း၍ (၁၆.၁.၂၀၂၆)ရက်နေ့၊ နံနက်(၀၉:၄၅)နာရီအချိန်တွင် မကွေးမြို့၊  ရွာသစ်ရပ်ရှိ "ကောင်းစံ" ဆေးဆိုင်၊ "အာရောဂျံ" ဆေးဆိုင်၊  "တူးတူး" ဆေးဆိုင်၊  "ဖန်ခါးမြေ"ဆေးဆိုင်၊ "ပုလဲ"ဆေးဆိုင်၊ "သံလွင်"ဆေးဆိုင်၊ ပြည်တော်သာလမ်းမပေါ်ရှိ "ကြယ်စင်" ဆေးဆိုင်နှင့် "မေတ္တာမွန်"ဆေးဆိုင်များသို့ Nestle အမှတ်တံဆိပ်ကလေးဖြည့်စွက်စာအမျိုးအစား (၅)မျိုးအား ဈေးကွက်စောင့်ကြည့်စစ်ဆေးခဲ့ကြောင်း သိရှိရပါသည်။

           "Nestle"အမှတ်တံဆိပ် ကလေးဖြည့်စွက်စာ အမျိုးအစား(၅)မျိုးအား ဈေးကွက်စောင့်ကြည့် စစ်ဆေးရာ၌ အဆိုပါဆိုင်များတွင် ရောင်းချမှု မရှိကြောင်း ၊ စားသုံးသူကာကွယ်ရေး ဥပဒေနှင့် ကိုက်ညီမှုမရှိသည့် ကုန်စည်များကို စစ်ဆေးတွေ့ရှိရပါက စားသုံးသူကာကွယ်ရေးဥပဒေ အရ အရေးယူဆောင်ရွက်သွားမည်ဖြစ်ကြောင်းနှင့် စားသုံးသူကာကွယ်ရေးဥပဒေအခန်း (၁၀) ပါ စီးပွားရေးလုပ်ငန်းရှင်၏တာဝန်များ၊ တားမြစ်ချက်များ၊ ပြစ်မှုပြစ်ဒဏ်များအကြောင်းတို့ကို ဆွေးနွေး၍ စားသုံးသူကာကွယ်ရေးဆိုင်ရာ အသိပညာပေးလက်ကမ်းစာစောင်များ ဖြန့်ဝေပေးခဲ့ ကြောင်း သိရှိရသည်။

DOCA(မကွေး)